الورقي
بالصور.. مهزلة كبرى في أشهر چيم في مصر.. اعرف التفاصيل
حذر أحد أعضاء صالة رياضية شهيرة يدعى "أحمد. ج"، من الاشتراك في فرع النيل بعد تعرضه للضرب على يد أحد مدربي البوكسينج نتج عنه كسر في الجمجمة.
وكتب العضو، في منشور له على إحدى مجموعات موقع التواصل الاجتماعي «فيسبوك»: « يوم الثلاثاء 20-2-2018 في الجيم كنت متواجد حوالى الساعة 8 في الأستوديو ودخل علينا مدرب الكيك بوكسنج «محيي. ح»، و دار الحوار الآتي:
أنت هاتحضر معايا الكلاس يا أحمد، قولتله لأ فبدأ يزقني عشان أطلع بره قولتله أتكلم من غير ما تمد إيدك، وكرر الموضوع ده أكتر من مرة لحد ما عليت صوتي عليه وقولتله اتكلم ببقك وماتمدش إيدك».
وتابع: « كابتن محيي ضربني بالبوكس في وشي سبب لي ارتجاج في المخ نتج عنه فقدان مؤقت في الذاكرة، جرح في الفم من الداخل، كسر في الفك».
وأضاف: « كابتن محيي سابني مرمي على الأرض واتجه لقسم الدقي عملي محضر إن أنا اللى اعتديت عليه، وعملت أشاعات على المخ والجمجمة تأكد اللي حصل ده».
وأضاف: « إدارة جولدز جيم من وقت الحادثة لحد دلوقتي ماحدش فيهم فكر يتصل بيا يشوف إيه اللي حصل وكل شوية يخلوا حد من زمايلنا في الجيم يتصل بيا يحاول يهديني، والنهاردة كاتبين انهم عملوا تحقيق وتبين أن انا بكذب والمشكلة كانت مشادة كلامية بس وبالرغم من كده رفدوه من الجيم».
واستكمل: « منين الموضوع كان مشادة كلامية ومنين رفدوه، والتحقيق اللي اتعمل ده مين اللي حضره؟»، وبما أن في طرفين في المشكلة أنا وكابتن محيي إزاي يعملوا تحقيق فيه محيي بس؟».
وختم قائلا: «إدارة الجيم رفضت توفير تسجيل كاميرات المراقبة وأدعت إنها بتتمسح كل 4 أيام و كمان رفضوا توفير صورة من التحقيق الداخلي اللي على أساسه فصلوا المدرب».
