ياسمين صبري تكشف سر جمالها: “لا يوجد روتين ثابت.. وأغيّر مستحضرات العناية باستمرار”

كشفت النجمة ياسمين صبري عن تفاصيل روتينها اليومي للحفاظ على جمالها ورشاقتها، مؤكدة أن سر إطلالتها منبعها الاهتمام بالصحة والغذاء والنوم والرياضة، مشيرة إلى أن العناية بالنفس تمثل استثمارًا حقيقيًا للإنسان.

ياسمين صبري 

وأضافت ياسمين صبري، خلال لقائها مع الإعلامية لميس الحديدي عبر بودكاست "موعد مع لميس"، ردًا على سؤالها حول سر إشراقتها وما إذا كانت تلجأ إلى الكريمات أو أطباء التجميل، قائلة: "الصحة بتبقى مهمة أوي، في ستات شكلها أصغر عشان هي واخدة بالها من نفسها، ده الاستثمار، استثمري في نفسك، تاخدي بالك من أكلك ونومك وصحتك".

وحول عدد ساعات ممارستها للرياضة، سألتها لميس الحديدي: "بتلعبي رياضة كام ساعة؟"، لترد ياسمين صبري: "ساعة ونص"، وعن النصائح المنتشرة حول روتين الصباح وشرب المياه الساخنة، قالت ياسمين صبري: "لأ لأ لأ.. مفيش الكلام ده.. هجص".

وعن روتين حياتها اليومي، أوضحت ياسمين صبري: "معنديش روتين، أنا من الناس اللي بتغير كريماتها، مفيش حاجة ثابتة خالص، بس أنا بحط ميك أب لنفسي مثلًا في الحاجات العادية".

وردًا على سؤال لميس الحديدي حول سرعة وضعها للمكياج، قالت: "مابحطش فاونديشن، بريح بشرتي وبنام، النوم ده فيه أصله تجديد للخلايا وكل حاجة، بيريسيت".

وحول نوعية الطعام التي تعتمد عليها، قالت ياسمين صبري: "باكل أسماك أكتر، اللحمة ده قليل أوي، بطلت الدقيق، عيش بلدي الصبح بس وفاكرة إن أنا كدة أوكيه".

وأضافت: "الفكرة إن جهازك الهضمي ده ميكونش على طول شغال إنه قاعد بيفرم في حاجة، وبعدين العقل التاني للجسم هو المعدة، دي فكرة الصيام أصلًا إنك تكون بطنك فاضية عشان أفكارك تكون أفضل، وتتعبدي صح، وتكون الصلة بينك وبين الله والشحن بتاعك من السما مش من الأكل".