أحمد موسى: سيبوا لاعبينا يحترفوا.. ومنتخب مصر أمن قومي

كشف الإعلامي أحمد موسى، أن البناء على ما أنجزه المنتخب الوطني يتطلب عمل جاد مستمر من الأندية، موضحا أن هناك مواهب لا تستطيع الوصول إلى النوادي بسبب الدفع والواسطة.
وتابع خلال تقديم برنامج على مسئوليتي، المذاع على قناة صدى البلد، «في مواهب كتير مدفونة وتلاقي لاعبين في القرى محدش يعرفهم وقصص كتير ومآسي ونبدأ من اليوم بل من إمبارح».
وأردف الإعلامي أحمد موسى: أنا أهلاوي ولكن المنتخب أولا وبعدين النادي الأهلي، ولازم ننسى الأنانية ونشوف المنتخب عاوز أيه وندعمه لأنه أمن قومي أمام الجميع.
واستطرد أنه لا بد من تغيير اللائحة وهذا سيتم بعد عودة المهندس هاني أبو ريدة من كأس العالم حيث عاد لأمريكا لمتابعة باقي مباريات البطولة، معلقًا: في دعم رئاسي واضح للمنتخب.
وأردف: كان عندنا زمان مهاجم صريح عماد متعب وميدو وعمرو زكي وأسماء تتكلم عليها بشكل واضح ودلوقتي معندناش مهاجم صريح اللي بنقول عليه المهاجم الوهمي.
وواصل: محمد صلاح كان يلعب في هذا المركز وهو غير مركزه، موضحًا أن الأجانب واكلين السوق في هذا المركز وتدفع الأندية اتنين ولا تلاتة مليون دولار رغم أنه في الدول الأفريقية تمنهم 200 ولا 300 ألف دولار.
وأوضح أن حمزة عبد الكريم اللي رايح يلعب في برشلونة ملعبش ولا مباراة في الأهلي، وعندنا لاعبين بيلعبوا بالواسطة والضغوط ومنظومة الرياضة محتاجة شكل واضح أولا منتخب مصر وثم الأندية بعد كده.
وأكمل: لازم الأجانب يكونوا 3 فقط مش أكتر في كل نادي، ومحدش يقف قدام الاحتراف يعني لو جه عرض لشوبير ولا حسام ولا إمام سيبوهم يحترفوا وشوفوا من المواهب اللي عندنا. 
وشدد الإعلامي أحمد موسى على أن كل لاعبي الرأس الأخضر الـ 26 لاعبًا محترفين والدوريات ضعيفة في القارة الأفريقية لأن كل اللاعبين محترفين في الخارج.
النادي اللي يقف على لاعب يقفل، ومفيش فريق معندوش في كل مركز واحد واتنين وتلاتة وأربعة، وأزمة الهجوم سوف نعالجها بالخطط اللي شغالين عليها حاليًا.