زكي عبد الفتاح: مصطفى شوبير أنقذنا من هزيمة فضيحة أمام البرازيل

تحدث زكي عبد الفتاح مدرب حراس مرمى منتخب مصر السابق، عن خسارة منتخب مصر أمس من البرازيل بهدفين مقابل هدف

وقال زكي عبد الفتاح في تصريحات مع سهام صالح لبرنامج الكلاسيكو: المنظومة الرياضية في مصر بطيئه لإنه شايفين اليوم بيومه مش باصين لقدام، وحسام حسن قبل مباراة البرازيل مكنش عارف مين الحارس الأساسي في كأس العالم لكن تألق مصطفى شوبير في مباراة البرازيل

واضاف: استغربت من تصريحات عصام الحضري أنه بيغلط مصطفى شوبير في الهدف الأول في مصر، ودي مش غلطت مصطفى خالص دي غلطت مهند.. لإنه لمس الكوره ٤ مرات وعمل زي اللي بيعملوا في الدوري نسي أنه بيلعب قدام البرازيل

وتابع: رتم الكوره في مصر بطئ عشان كده مهند وقع في الخطأ ده، ومصطفى شوبير لا يسأل عن الهدفين اللي دخلوا فيه

وواصل: مكسب لمصر أنهم لعبوا على الملعب ده.. لأن الملاعب  في كأس العالم على نفس نوع الملاعب دي الترتان، والملعب مكنش اختيار حسام حسن كان اختيار البرازيل لكن جت في صالحنا عشان ناخد ع الكورة