التابعي: خايف على الزمالك امام بيراميدز من التحكيم المصري

أبدى بشير التابعي نجم الكرة المصرية السابق، تخوفه من التحكيم المصري في مباراة الزمالك وبيراميدز المقبلة في الدوري

وقال التابعي في تصريحات مع سهام صالح لبرنامج الكلاسيكو: بشكر جمهور الزمالك ومعودنا على كده.. وربنا بيكافئنا عشان خاطر الجمهور، احنا عاملين عكس كل التوقعات.. متصدرين دوري.. نهائي الكونفدرالية

واضاف: المدرب الوطني مينفعش مع اهلي وزمالك، انا بشكر جون على اللي هو بيعمله ده مع الفريق.. بس لو الفريق مخدتش بطوله السنادي يبقى كأنه معملش حاجه.. واتمنى اباركله الدوري والكونفدرالية

وتابع: انا بنسبالي اتوج بالدوري افضل بكتير من الكونفدرالية، وضع عماد النحاس غير معتمد جمال.. النحاس كان مؤقت ومعاه نجوم، لكن معتمد بينحت ف كل حاجه ومش معاه إمكانيات رغم كده عامل كل ده

وواصل: طول عمر الزمالك ملوش ضهر، ناصر منسي لو رجله مقطوعه باللي بيعمله ده يبقي اجمد مهاجم في مصر برضو، وبلوم احمد بلال على كلامه اللي قاله ضد ناصر منسي

واختتم: مكونات بلال كان مهاجم كويس مع أن مكوناته الجسمية متقولش كده خالص، وكان لازم مجلس الزمالك يطلع يدافع عن ناصر منسي بعد هجوم احمد بلال