لاعب الزمالك السابق: حسام حسن تعرض للتربص من بعض المسؤولين

تحدث أحمد عيد عبد الملك نجم الكرة المصرية السابق، عن تعادل منتخب مصر مع نظيره إسبانيا وديا استعدادا لكأس العالم

وقال عبد الملك في تصريحات مع سهام صالح لبرنامج الكلاسيكو:  احنا لازم نلعب ماتشات زي دي كتير ولازم نصدق نفسنا اكتر من كده، انت بتلاعب المصنف الأول عالميا.. لعبت شوط حلو وشوط مش احسن حاجه

واضاف: عندنا لاعيبة موهوبة والغيبة تقيله ونقدر مع أي حد، اهم لاعب كان مؤثر هو مهند لاشين، كنت متوقع أن مصر هتخسر أمام إسبانيا واتفاجئت

وتابع: الفترات الأخيرة مقدمناش حاجه حتى في بطولة أمم إفريقيا عشان كده كنت متوقع أننا نخسر النهارده، اتمنى تكرار التجارب دي عشان خاطر نحتك اللاعيبه دي

وواصل: كابتن حسام دخل في صراعات شويه مع مسؤولين أو لاعبين أو مدربين.. دي خلت الناس تتربص بيه، كان بيحصل مع حسن شحاته التربص والتشكيك فيه قبل الـ ٣ بطولات الإفريقية وخدناها برضو

واكمل: مش طبيعي أن كابتن حسام حسن يعلن قائمة المنتخب قبل ماتشات الزمالك للمره التانيه، ده ممكن يأثر على اللاعيبة ونفسية اللاعيبة.. فيمنفعش أعلن قبل ماتشات الزمالك