إلغاء الحفلات الصباحية.. تامر حسني يقترح خطة لإنقاذ صالات السينما من قرار الإغلاق مبكرا

كشف النجم تامر حسنى، عن تأييده لاقتراح المخرج والمنتج كريم السبكى لدعم دور العرض السينمائية، وذلك على خلفية قرار الإغلاق المبكر الذى بدأ تطبيقه اليوم فى تمام الساعة التاسعة مساءً، والذى من المتوقع أن ينعكس سلبًا على إيرادات شباك التذاكر، خاصة مع تأثر العروض المسائية التى تمثل جزءًا كبيرًا من دخل السينمات.

تامر حسني 

وكتب تامر حسني، عبر حسابه الشخصي بموقع التواصل الاجتماعي فيسبوك: “اقتراحي إذا أمكن فا يتطبق على كل الجهات.. كلام البوست اللي كتبه زميلي المنتج كريم السبكي، ده من وجهة نظري اقتراح صحيح للسينمات أعتقد وزارتنا المبجلة ممكن تدرسه وأكيد هيعملوا الصح، لأن برضو الصح عمره ما هيكون من وجهة نظرنا إحنا بس أكيد في حاجات تانية ممكن منكنش على دراية بيها وهي لمصلحة البلد، ولكن لو الاقتراح ده اتنسق مع أهداف الدولة أتمنى تحقيقه”.

وأضاف: “اقتراحي الشخصي إن القرار ممكن يتطبق على أماكن كتير مش بس السينمات أو أماكن تختار يقفلوا الصبح وأماكن تختار يقفلوا بالليل، وكل ده بالتنسيق مع الجهات اللي شايفة شغلها وأكل عيشها أكتر بالنهار ولا بالليل وبكده كله هيتراضى، وبرضو ده من وجهة نظرنا المحدودة”.

واختتم تامر حسني، قائلا: “أي قرار أكبر مننا بتاخده الدولة لازم نحترمه ونتأكد مليون في المية إنه لمصلحتنا حتى لو استحملنا شوية كل الشكر والتقدير والاحترام لوزاراتنا المصرية العظيمة”.