ياسمين عبد العزيز تثير الجدل بـ الأعلى مشاهدة.. ومحمد سامي: "كنتي فين من أول رمضان"

أثارت النجمة ياسمين عبد العزيز، الكثير من الجدل وأشعلت السوشيال ميديا، بعد أن أعلنت أن مسلسلها وننسى اللي كان هو الأعلى مشاهدة وفي المرتبة الأولى، بينما مسلسل الست موناليزا في المرتبة الرابعة، وهو ما أثار غضب المخرج محمد سامي ورد عليها بسخرية.

ياسمين عبد العزيز 

ونشرت ياسمين عبد العزيز، ستوري ترصد من خلالها المسلسلات الأعلى مشاهدة، عبر حسابها الشخصي بموقع تبادل الصور والفيديوهات الشهير إنستجرام.

وعلقت قائلة: “المسلسلات ما شاء الله مكسرة الدنيا وعاملين مجهود جبار.. ودول أول 4 مسلسلات على شاهد مصر، رقم 1 ياسمين عبد العزيز رقم 2 مصطفى غريب رقم 3 حمادة هلال رقم 4 مي عمر.. مبروك يا حبايبي”.

ورد محمد سامي على منشور ياسمين عبد العزيز، قائلا: “الله يبارك فيكي يا ياسو، أخيرا بعد ما عرض موناليزا خلص بيومين، كنتي فين من أول رمضان يا غالية؟ عارف إن نفسك في الموضوع ده من واحد رمضان، بس النصيب بقى. ساعات الواحد يتمنى حاجة يوم واحد ربنا يكرمه بيها يوم 16”.

وأضاف: “ادعيلي بقى لأني أنا اللي أقنعت مي إن الست موناليزا يبقى 15 حلقة بس، يا إما كان الواحد اتمنى حاجة يوم 1 ربنا يدهاله بعد العيد زي السنة اللي فاتت كده،دايمًا ناجحة ومتوفقة يا حبيبتي، وعقبال السنة الجاية، ودايمًا تمتعي الجمهور اللي بيحبك وأنا أولهم”.