الورقي
محمد يوسف أوزو يرد على انتقادات مشيته في «صحاب الأرض»: مرض ملوش علاج
رد الفنان محمد يوسف «أوزو»، على انتقادت متابعي مواقع التواصل الاجتماعي، حول طريقته في المشي بمسلسل «صحاب الأرض»، كاشفًا أنه مصاب بمرض مناعي نادر يدعى «التهاب الفقرات التصلبي».
وكتب، عبر حسابه بموقع «فيس بوك»: «أنا بشوف تعليقات كتير على موضوع ضهري، والله بصوا يا جماعة أنا فعليًا من النوعية اللي مبحبش الصعبانيات ولا عمري حبيت أكسب تعاطف الناس والجو الرخيص دا، وكتير من الناس غير القريبين مني ميعرفش موضوع المرض اللي عندي.. أنا عندي مرض مناعي نادر اسمه ankylosing) spondylitis - التهاب الفقرات التصلبي)».
وتابع: «المرض ده ملوش علاج، وكل اللي أقدر أعمله أخد العلاج البيولوجي بتاعي، عشان يبقى الحال على ما هو عليه.. حتى حاولت أروح لدكتور متخصص عشان أعمل عملية تجميل.. ومن كتر ماهو دكتور مشغول راح معايا دكتور أشرف زكي ودخلت له بعد 8 ساعات انتظار في العيادة، والباشا كشف وقالي تعالى بعد سنة.. والعملية دي هتحتاج من 4 لـ6 شهور بعدها عشان أرجع طبيعي».
وأكمل «أوزو»: «أنا عاوز أعمل العملية، بس أكيد مع دكتور مهتم بحالتي، مش بيشوف جدوله فاضي امتي.. أنا من كتر الألم المخ بطل يبعت إشارات بالألم.. ولما ربنا بيكرم بروح أعمل علاج طبيعي مانيوال وعلاج مائي، بالمناسبة العلاج الطبيعي المانيوال دا عذاب.. فطبعًا، أنا آسف لو حضرتك مش عاجبك مشيتي أو شكل ضهري، بس والله دا مش هعرف أعمل حاجة فيه لحد ما ربنا يأذن.. آسف للإطالة بس وجب التوضيح».
مسلسل «أصحاب الأرض»: بطولة: منة شلبي، وإياد نصار، وعصام السقا، وتارا عبود، وكامل الباشا، وهو من إخراج بيتر ميمي.
