الورقي
بعد نجاح "خلي اللي يقول يقول".. هشام زين يراهن على "1000 دقه"
طرح المطرب هشام زين أحدث أعماله الغنائية التي تحمل عنوان “1000 دقه”، وذلك عبر موقع الفيديوهات الشهير يوتيوب.
هشام زين
أغنية هشام زين الجديدة، هي من كلمات فريدة درويش، وألحان يحيى عمر، وتوزيع موسيقي محمد حنفي، وميكس وماستر ERT محمد حنفي، وصولوهات أحمد سامي، وجاءت هذه الأغنية لتقدم حالة وجدانية قريبة من القلب تعبر عن لهفة الحب والشوق بلغة بسيطة وصادقة.
وقال هشام زين: “أنا براهن على نجاح أغنية “1000 دقه”، لأنها متعوب فيها جدًا على كل المستويات من الكلمة للحن للتوزيع وكل فريق العمل اشتغل من قلبه، وحاسس إنها هتلمس قلوب الناس بسهولة وده أهم عندي من أي أرقام”
وأضاف: “بحب أقدم الأغنية اللي تحكي عن إحساس حقيقي و“1000 دقه” حالة حب صادقة وأتمنى الجمهور يحس بيها زي ما حسينا وإحنا بنشتغل عليها”.
وتقول بعض كلمات الأغنية الآتي:.
ايه ده يا قلبي ده
في الدقيقة 1000 دقه
من يوم ما شوفت الحلو ده
دايب خلاص مش قار انسا
دلال ده ولا ده تقل ده
اوصف ازاي الجمال ده
يرضي مين الحال كده
عيني عليك والله باردة
مستني انا نظرة رضا
يهون عشانها العمر ده
يرضيك يا غالي اتعب كدة
واسمع كلام من ده وده
قلبي يناديك لبي الندا
شمت فيه كل العدا
يهون عليك الحب ده
اؤمرنى انا واجيلك هوا
دلال ده ولا ده تقل ده
اوصف ازاي الجمال ده
يرضي مين الحال كده
عيني عليك والله باردة
ويذكر أن آخر أعمال المطرب هشام زين كليب “خلي اللي يقول يقول” الذي طرح خلال هذا الشهر ذاته، وحقق نجاحًا ملحوظًا وهو من كلمات مروة شاهين وألحان هشام زين وتوزيع وميكس وماستر مصطفى أبو رية.
على الجانب الآخر، ينشغل هشام زين حاليًا بإجراء بروفات فنية مكثفة مع فرقته الموسيقية، استعدادًا لموسم حفلات أعياد رأس السنة، وكذلك موسم إجازات نصف العام، حيث يخطط لتقديم مجموعة من الحفلات التي تحمل طابعًا خاصًا يواكب تطلعات جمهوره ويعكس تطوره الفني المستمر.
