عبلة كامل في أول تصريح لها: "عملت عمليات كتيرة وعالجت نفسي على نفقتي الخاصة"

وجهت النجمة القديرة عبلة كامل، الشكر للرئيس عبد الفتاح السيسي على قرار علاجها على نفقة الدولة، بعد إجراء عمليات على نفقتها الخاصة.

عبلة كامل

وأضافت عبلة كامل، خلال حديثها للإعلامية لميس الحديدي، في مداخلة هاتفية في برنامج “الصورة”: “أشكر الرئيس السيسي على قراره، دي لفتة هايلة وحنونة منه، أنا الحمد لله كويسة وبخير، عملت عمليات قبل كده كتير، وعالجت نفسي على نفقتي الخاصة،  وبقول للناس وأطمنهم أني كويسة”.

واستكملت: “أنا ليا عتاب على من قالوا أني مش محتاجه علاج على نفقه الدولة وبقلهم رفقا بالقلوب وأنا مسمحاكم، وأنا بشكر كل الناس اللي دعولي، وبقولهم إن شاء الله الملائكة ترد عليكم وتقولكم ولكم بمثلها"..

واختتمت عبلة كامل حديثها: “معنديش أي حسابات على السوشيال ميديا، ولا هيكون لي لحد ما أقابل وجه كريم، أنا دائرتي مغلقة وقافلة على نفسي وكل اللي حواليا كده وأي تصريح هيطلع مش هيبقى عن لساني أو لسانهم”.