نهال طايل تشيد بأداء منى زكي في فيلم الست: «ممثلة من العيار التقيل»

أشادت الإعلامية نهال طايل، بفيلم الست وأداء النجمة منى زكي فيه، وذلك بعد عرضه أمس، بسينما مول مصر 6 أكتوبر، مشيرة إلى أن عدد كبير من النقاد والجمهور أكدوا مدى نجاح العمل وتجسيد سيرة أم كلثوم بشكل قوي.

منى زكي

وأضافت نهال طايل في برنامجها تفاصيل على قناة صدى البلد 2: "منى زكي نجمة موهوبة وناس كتير من النقاد والجمهور وعدد من الفنانين أشادوا بيه والحقيقة أن الفيلم حقق نجاح كبير جدا في العرض الخاص والناس خارجة من القاعة مبسوطة ومندهشة من اللي شافته".

واستكملت: "منى زكي دايما في أدوارها بتثبت إنها ممثلة من العيار التقيل.. الدور ده بالتحديد خلى الناس تتكلم عنها بشكل غير طبيعي.. كل اللي شاف الفيلم قال: "منى زكي كسرت الدنيا وقدّمت أداء غير عادي".. وقدرت إنها تجسد شخصية أم كلثوم بطريقة فيها احترام لتاريخها".

وأوضحت: "لقينا ناس كتير بتشيد وناس بتقول إن الفيلم رجّعهم لزمن الفن الحقيقي.. وكمان رد فعل أسرة أم كلثوم لما شافوا الفيلم أعجبوا بيه وقالوا منى زكي نسخة من أم كلثوم".