تامر حبيب: منى زكي شديدة الموهبة والاحترام والأدب

وجه السيناريست تامر حبيب، رسالة يدافع من خلالها عن النجمة منى زكي، محذرا من التطاول عليها، بسبب فيلم الست.

منى زكي

وكتب تامر حبيب، عبر حسابه الشخصي بموقع التواصل الاجتماعي فيسبوك: “فيلم الست اتعرض في مهرجان مراكش السينمائي الدولي، ولاقى استحسان وإعجاب منقطعي النظير والجمهور قعد يصقف وهو مبهور ومتأثر وشديد الإعجاب، إن شاء الله هيعرض عرض تجاري في كل الدنيا بدءًا من يوم 10 ديسمبر… وساعتها اللي حابب يشوف الفيلم هايدخل يشوفه".

وأضاف: "اللي بعد ما يشوف الفيلم كله مش حتة منه ولا إعلان عنه هايبقي كون رأي في الفيلم ويا إما هيحبه أو احتمال ما يحبوش وأكيد ليه مطلق الحرية في ده.. ووارد جدًا ان اللي اتفرج ده يحب يقول رأية سواء حب الفيلم أو ماحبوش، من حقه يقول رأيه وانطباعه بكل ادب واحترام ودون تطاول ولا سب ولا قلة تربية وسفاله.. واللي مش هايعرف يحترم نفسه لمجرد إنه شخص سافل أو مريض أو مزقوق أو لجان أو قذر وزباله، هيبقي من حق النجم أو النجمة أو الفنان أو الفنانة اللي اتعرض للإهانة وشعر بأذي نفسي، إنه يرفع علي الرمة التاني ده قضية ويسجنه وساعتها لسانه ده هيتشل جوة بقه وهايخاف السايب لا يتهان زي ما إتهان المربوط أو المسجون أو المتغرم مبلغ وقدره".

واختتم تامر حبيب، قائلا: “النجمة الممثلة شديدة الموهبة والاحترام والأدب مني زكي، ست الستات”.