أول تعليق من محمد إمام على حريق ديكور مسلسله: "اللي حصل اختبار صعب"

علق النجم محمد إمام، على حريق ديكور مسلسله الجديد “الكينج”، في استديو مصر، مؤكدا أن ما حدث كان صعب وطالب بالدعاء له والفريق العمل.

محمد إمام 

وكتب محمد إمام، عبر حسابه الشخصي بموقع التواصل الاجتماعي فيسبوك: “قدر الله وما شاء فعل… والحمد لله على كل شئ.. حريق كبير في لوكيشن تصوير مسلسل الكينج في ستوديو مصر”.

وأضاف: “منطقة كاملة معمولة على أعلى مستوى.. إنتاج ضخم من المنتج الكبير عبد الله أبو الفتوح.. وإبداع من مهندس الديكور تامر اسماعيل ومجهود كبير من اشطر المهندسين والعمال.. بس ربنا أراد اللي حصل… والحمد لله فوق كل ده إن الإصابات كانت خفيفة وكل فريق العمل بخير”.

وتابع: “شكر كبير لوزارة الداخلية وقوات الدفاع المدني على مجهودهم وسط الحريق الضخم وكميات خشب ومواد سريعة الاشتعال.. وشكر خاص للمنتج محمد السيد وفريقه وحوش الإنتاج… اللي دخلوا جوه النار حرفيًا علشان يحاولوا ينقذوا أجهزة ومعدات وملابس.. ناس بتحب شغلها بجد وبتضحي بنفسها عشانه”.

واختتم محمد إمام، قائلا: “أخيرًا.. شكر من كل قلبي لكل الناس والنجوم اللي كلموني واطمّنوا عليّ وعلى فريق العمل … ربنا يديم المحبة ويحفظ الجميع، اللي حصل اختبار صعب في وقت صعب.. بس ثقتنا في الله كبيره وإن شاء الله مكملين، دعواتكم لينا ولكل فريق عمل مسلسل #الكينج، استنونا في رمضان 2026 إن شاء الله”.