الورقي
بعد إعلان نجيب ساويرس تبرعه بمليار جنيه للفقراء.. محمد سليمان: "الراجل ده وطني بجد"
أشاد الفنان محمد سليمان، بالمهندس نجيب ساويرس، بعد إعلان تبرعه بمليار جنيها للفقراء، ومتابعته لتوزيع الأموال بنفسه.
نجيب ساويرس
وكتب محمد سليمان، عبر حسابه الشخصي بموقع التواصل الاجتماعي فيسبوك: "بصراحة؟ لما سمعت إن نجيب ساويرس اتبرّع بـ مليار جنيه للفقراء، وقال إنه بنفسه هيتابع توزيعهم، قلت لنفسي: أهو فيه ناس لسه عندها ضمير،
الراجل ما حبّش يسلّم الفلوس لجهة ويخلّص، لا، قرر إنه يشوف بعينه الفلوس دي رايحة لمين، وده تصرّف كبير ومحترم".
وأضاف: "بس اللي يزعل بقى... فين باقي الأغنياء؟، فين اللي معندهمش بس مليارات... دول معاهم أكتر بكتير، وعاملين نفسهم مش شايفين، مش دي الفلوس اللي طلعت من جيوب الناس؟
من شُقا وتعب المصريين؟، من اقتصاد بلدنا اللي إحنا بنشيله على ضهرنا؟
يبقى ليه لما الناس تعبت، الغني يدوّر وشه؟".
واختتم محمد سليمان، قائلا: "الغِنى مش عيب… العيب إنك تكون غني وناسي الناس اللي كانت السبب في اللي انت فيه، تحية من القلب لنجيب ساويرس… مش علشان الفلوس، علشان الموقف والنية، الراجل ده وطني بجد".
