بعد بيان شيرين عبد الوهاب.. الجمهور يعلق: "اعرفي قيمتك وانتي ترجعي أحسن من الأول"

أصدرت النجمة شيرين عبد الوهاب، منذ قليل، بيانا توضح من خلاله أنها لم تلغ التوكيل للمحامي ياسر قنطوش، وتؤكد أن ما حدث بينهما كان سوء تفاهم.

شيرين عبد الوهاب 

وقالت شيرين عبد الوهاب في البيان: "أنا عاوزة أوضح لجمهوري الحبيب إن اللي حصل بيني وبين المستشار ياسر قنطوش هو مجرد سوء تفاهم عابر بيحصل عادي بين الأخوات".

وأضافت: “الأستاذ ياسر أخ وصديق ومن أكتر الناس اللي خايفة على مصلحتي وحريص على استعادة حقوقي بأمانة وضمير.. عشان كده لا يمكن ألغي توكيلي عنده، اختلاف وجهات النظر أحيانًا بيتسبب في خلافات بسيطة نقدر نحلها وده اللي حصل فعلًا. حابة بس أقول إن الأستاذ ياسر كان ومازال المحامي بتاعي وماعنديش محامي غيره”.

وتفاعل العديد من الجمهور مع بيان شيرين عبد الوهاب، ومن أبرز التعليقات التي جاءت لها: “اعرفى قيمتك وانت ترجعى أحسن من الأول ارجعى شيرين بتاعت زمان، يا شيرين غني اطلعي غني وبس واهتمي بنفسك، هي ايه الدوامة اللي شيرين مش عارفه تخرج منها، طيب نفوق كدة ونرجع ل شيرين اللي احنا عارفينها، بصراحة تعبنا منك كفاية يا نجمة”.