"بتاكل بشكل طبيعي".. محمود سعد يطمئن الجمهور على الحالة الصحية لـ أنغام

طمأن الإعلامي محمود سعد، الجمهور على الحالة الصحية للنجمة أنغام، مؤكدة تحسن حالتها وبداية تناولها الطعام بشكل طبيعي.

أنغام

وكتب محمود سعد، عبر حسابه الشخصي بموقع التواصل الاجتماعي فيسبوك: “لمحبي أنغام الكتير قوي.. قوي قوي.. هاقولكم أحدث الأخبار مساء السبت من ميونخ”.

وأضاف: "كنت منتظر نتائج التحاليل زي ما قلتلكم في اخر خبر كتبته عن أنغام الحمد لله الأرقام تقترب جدا من الأرقام الطبيعية.. ونصح الأطباء أنغام بالمشي خارج غرفتها.. وهي الحمد لله بتاكل بشكل طبيعي.. الكلام عن وجود خراج على البنكرياس غير صحيح اطلاقا.. ولم يحدث أي خطأ طبي في العملية. والمضاعفات اللي حصلت هي المضاعفات اللي ممكن تحصل في النوع ده من الجراحات الكبيرة والخطيرة".

واستكمل: "وزي ما قلتلكم انغام اختارت المستشفى دي لإنه ا متخصصة في الجراحات الخاصة بالبنكرياس.. كمان انغام لم تخضع ل 3 عمليات جراحية زي ما اشيع.. وأخيرا بالنسبة للألم الحمد لله دلوقتي في تراجع.. عايز أقولكم إن المحنة اللي مرت بيها أنغام كشفت عن حالة حب حقيقية في منتهى القوة والصدق.. وهي تستحق ده".

واختتم محمود سعد، قائلا: “أنا أعرف أنغام من سنين طويلة وعارف هي تعبت وشقيت قد ايه علشان توصل للي هي فيه.. فحبكم الصادق جدا هو لفنانة صادقة جدا.. وتستحقه.. دعواتكم بقى علشان تقوم بالسلامة وتعبر رحلة الألم والحب”.