الورقي
ميار الببلاوي تحكي تفاصيل وقوعها في حفل خطبة ابنها: رجلي اتقطعت
روت الفنانة والمذيعة ميار الببلاوي، تفاصيل سقوطها في حفل خطبة ابنها، مشيرة إلى أنها لم تفعل ذلك بسبب رغبتها «ركوب التريند»، مثلما تردد.
وأوضحت، خلال برنامجها «هي حوا»، على قناة الشمس: «الناسىقعدت تقول إن أنا بمثل، اللي حصل أن الدانس فلور اللي كان عليه العريس والعروسة بيرقصوا حصل فيه سرطنة في الإزاز، هو بيبقى نوع من أنواع الإزاز، وفي القاعة نيموا كرسي حوالين المكان علشان محدش يقع ويتعور».
وأكملت: «أنا مكنتش شايفة اللي حصل، وأول ما جيت وعاملة فيها البنت اللي بتدير الموضوع، لما لقيت الكرسي واقع رحت أرفعه وقعت بكل جسمي، وأنا مليانه فوقعت بركبتي جوا الإزاز، رجلي اتقطعت وركبتي، والناس كانت بتقول كان معاها مرهم، المرهم اللي أنا كنت ماسكاه أنا مجبتوش واحد راح دور وجابهولي ودهنولي بيه وكل همي إني مبينش لابني عشان مبوظش الفرح».
وأكملت «ميار»: «الناس اللي افترت عليا واتبلت عليا وقالت إني بعمل كل ده عشان أشيل العين أو بمثل أو عايزة التريند أنا بقولكم التنمر بيجرح القلب وبيجرح الناس، وياريت أي حد قبل ما يكتب تعليق يسأل نفسه الكلمة دي هتضيف ولا هتجرح حد».
