الورقي
ميار الببلاوي للمتنمرين على حفل خطبة ابنها: مش مسامحة
وجهت المذيعة والفنانة ميار الببلاوي رسالة للمتنمرين عليها وعلى حفل خطبة ابنها، قائلة إن بعض المتابعين على مواقع التواصل الاجتماعي، تحدثوا بشكل أزعجها عن تفاصيل اليوم.
وأوضحت، خلال برنامجها «أنا حوا»، عبر قناة «الشمس»: «من كام يوم كان خطوبة ابني الجو ما شاء الله كان مليان حب وضحك كل الناس كانت بتفرح معانا وشكرا لكل الناس ولمحبتكم، وسط كل الحب دا كان في جزء تاني في المشهد اللي للأسف بنشوفه كتير على السوشيال ميديا ناس بتدخل على الصور والفيديوهات وتقرر تحكم على العروسة أو على العريس أو شكل الفرح أو تفاصيل صغيرة ماتخصهمش لون الفستان وديكور القاعة».
وتابعت: «في حالتي أنا لقيت ناس دخلت تعلق على إني وقعت واتعورت في ركبتي في نص اليوم، في ناس ربنا يكرمكهم خدت الموضوع هزار وقالت أمثال وتعليقات جميلة زي سلامتك أم العريس بتخزي العين مع أن الحقيقة أنا كنت بتألم جدًا وكنت مكسوفة أوقف الحفلة واضايق الناس وكان كل همي محدش يقول للعريس لو سمحتوا».
وأكملت: «هحكي الموضوع ببساطة عشان الناس اللي تنمرت عليا وكتبت تعليقات أنا عايزة أقولهم أنا مش مسامحاكم، وأي حد بيكتب تعليق دا بيبقى زي غيبة لصاحب الموضوع اللي بيتكلم عنه وربنا سبحانه وتعالى مش هيسامحه يوم القيامة إلا لما الشخص دا يسامحه، وأنا مش مسامحة لأن الناس دي اتسببت بعد فرحتي الكبيرة بابني وجعوا قلبي جدًا وخلوني عيطت وضايقوا العروسة جدًا».
