أحمد زاهر يطلب الدعاء لابنته ملك بعد تعرضها لوعكة صحية مفاجئة

علق الفنان أحمد زاهر على الأزمة الصحية التي تمر بها ابنته ملك أحمد زاهر، بعدما تعرضت لوعكة مفاجئة استدعت نقلها إلى المستشفى لتلقي العلاج اللازم.

ونشر أحمد زاهر عبر خاصية "الاستوري" على حسابه بموقع "إنستجرام" رسالة مؤثرة دعا فيها لابنته بالشفاء قائلًا: "يا رب أنت الشافي يا رب".

من جانبها، كشفت ملك أحمد زاهر عن تفاصيل حالتها الصحية عبر حسابها الرسمي على "إنستجرام"، حيث قالت: "عمري ما بنزل غير الحاجات اللذيذة والهزار والحاجات الإيجابية، لكن حبيت أتكلم بجد المرة دي، حاسة إن في الفترة الأخيرة بتجيني تعليقات كلها إنتي عايشة ومبسوطة واحنا مش عايشين، وبصراحة الناس بقت تركز في أتفه الحاجات اللي بتبسطني زي إني أروح الجيم أو أخرج مع صحابي".

وأضافت ملك: "أنا بقالي 3 أيام تعبانة وعندي حاجة لحد دلوقتي الأطباء مش فاهمين سببها، وجت فجأة وأنا قبلها بنص ساعة كنت زي الفل، ومن وقتها مش قادرة أنزل أو أظهر، ونفسيتي تعبانة جدًا".

وأوضحت ملك: "أنا بكتب الكلام ده علشان الناس تعرف إن حياتي فيها الحلو والوحش زي أي حد، بس أنا كنت بحب دايمًا أشارك الحاجات الحلوة فقط، لكن قررت أشارك كمان اللحظات الصعبة.. الحمد لله أنا راضية وبقول يا رب إن شاء الله حاجة بسيطة وهخف قريب".

واختتمت ملك أحمد زاهر رسالتها قائلة: "أنا مش بكتب الكلام ده علشان أقلق الناس، بس نفسي الكل يبطل يحكم على حياة الناس من السوشيال ميديا، لأن اللي بيظهر عليها مش أكتر من 20% من الحقيقة.. ادعولي أخف بسرعة، وأنا الحمد لله تمام، مفيش حاجة خطيرة، بس حبيت أكون صريحة وأشارككم كل حاجة".