حازم إمام يرد على مقطع فيديو حول موافقته باللعب فى الأهلي

حل حازم إمام  ،نجم الزمالك السابق وعضو لجنة التخطيط بالقلعة البيضاء مع عبد الرحمن مجدي،  للرد على الشائعات التى تطارده منذ فترة خاصة مقطع فيديو يتحدث فيه إنه يرحب باللعب في النادي الأهلي  ،عندما كان لاعبا بجانب إتهامه بالسلبية خلال فترة تواجده كعضو مجلس إدارة إتحاد الكرة أو عضو مجلس إدارة نادي الزمالك.

حازم إمام يرد على مقطع فيديو حول موافقته باللعب فى الأهلي ويؤكد عمري ما كنت سلبى وأسالو التؤام وبشرة خير للزمالك

حازم إمام  قال: بيطلعوا فيديو دلوقتي وانا بقول أحب أروح الأهلي قال كده بيعلموا عليا المشكلةهما لو كانوا كملوا الفيديو ثانيتين لما اتسألت تاني قولت لا طبعا لكن هما بيوقفوا الفيديو عند رد معين ويعيدوه خمسين مرة ولازم احترم العائلة الناس شايفة عائلة إمام حاجة كبيرة مينفعش اصغرها.

ورد إمام على أنه متهم بالسلبية ويفضل عدم الدخول في صدامات: نفسي أعرف سلبي في ايه ده انا مفيش صدام مدخلتش فيه وتحملت قرارات وحاجات مصيريّة مثلا لما جبنا حسام وإبراهيم  انا اللي جبتهم الزمالك ودخلت في صدام مع المدرب ومع مجلس الإدارة بالكامل اللي كان معترض ولما جابوا اجيري يدرب منتخب مصر حد سمع ان حد اعترض غير حازم إمام هو لازم عشان مبقاش سلبي اطلع في التلفزيون اشتـ.م.

وقال حازم إمام: كمية كلام كان بيطلع عليا وانا في إتحاد  الكرة ومشرف على المنتخب لتوجيه جمهور الاهلي ضدي معرفش ليه هو حد انا عارف مين طبعا وكلنا عارفين لكن معرفش ليه.

وقال حازم إمام: أسوأ حاجة في كرة القدم المصرية انك تديرها لأن ولا هتعرف تدير بدماغك ولا هتاخد وقت تدير وأي واحد مسك منصب إداري في الكرة خسر كابتن الخطيب نفسه خسر لما مسك مدير المنتخب مع فاروق جعفر

واكد عضو لجنة التخطيط: في فلوس داخلة خزينة  نادى الزمالك، مشيرًا إلى إنه لم إستغلالها  بشكل جيد  من  جانب مجلس الإدارة الدنيا هتبقى احسن بكتير.