قبل طرح ألبومه بساعات.. رامي جمال: «عندي إحساس زي ليلة الامتحان»

يستعد النجم رامي جمال، لطرح ألبومه الجديد “خليني أشوفك”، اليوم الأربعاء، وذلك في تمام الساعة الخامسة مساء، على قناته الرسمية بموقع الفيديوهات الشهير يوتيوب.

ألبوم رامي جمال الجديد

ونشر رامي جمال صورة البوستر الدعائي لألبومه الجديد، عبر حسابه الشخصي بموقع التواصل الاجتماعي فيسبوك، وعلق قائلا: “خليني أشوفك الألبوم بكرة ان شاء الله، عندي إحساس زي ليلة الامتحان كده قلقان ومتوتر، رغم اني المفروض مذاكر كويس وكل الصناع تعبوا معايا”.

وتابع: “أنا عندي ثقه في ربنا وفيكم إن الحاجة الحلوة هتاخد حقها وعندي ثقه ان السنين الجايه كلها نجاح وخير وهوصل للي حلمت بيه إن شاءالله، نازل بكره 13 أغنية مرة واحدة، عشان يبقي الألبوم 15 أغنية بالأغنيتين اللي نزلوا، كنتوا سبب النجاح بعد ربنا وإن شاء الله المجهود يعجبكم انهارده مفيش نوم”.

واستكمل: “الألبوم بكرة الساعة 5 علي قناتي علي يوتيوب وفيه كل الأشكال الموسيقيه اللي عاوز يحب يحب واللي عاوز يزعل هيزعل، وفي أغنية حب أنا عملتها مخصوص عشان تتغني أول مره في فرح حمزه ناصر صديقي الغالي وكل أفراحكم بعد كده”.