سعيد: شيكابالا قصر في حق نفسه.. وما فعله مع حسن شحاتة غير طبيعي

انتقد الإعلامي أحمد سعيد، محمود عبدالرازق شيكابالا، لاعب الفريق الأول لكرة القدم بنادي الزمالك، بعد تصريحاته حسن شحاتة المدير الفني لمنتخب مصر الأسبق، بشأن تلقيه السباب من اللاعب.

وقال في تصريحات خلال فقرة (صد رد) عبر برنامجه كلام في الكورة الذي يبث عبر فضائية الشمس: مفيش شك أن شيكابالا لاعب كبير، ومفيش شك أنه قصر في حق نفسه بشكل أكبر من موهبته كمان".

وتابع:" اسأل نفسك كده، كابتن حسن شحاتة درب كام لاعب في مسيرته؟، هتزهق من العد مئات اللاعبين لكن أتشتم من لاعب واحد بس هو شيكابالا!".

وأكمل:" هل ده طبيعي؟ هل ده عادي؟ هل دي صدفة مثلا".

وأتم أحمد سعيد تصريحاته قائلا:" اللي يعمل فعل زي ده مع قيمة كبيرة زي حسن شحاتة طبيعي مسيرته متجيبش نص أبوتريكة وأحمد حسن وحسني عبد ربه ووائل جمعة وأحمد فتحي وعماد متعب وغيرهم اللي لعبوا مع نفس المدرب وإلتزموا وكانوا أكثر المجيدين في التدريبات والمعسكرات اللي شيكابالا مكنش بيحبها زي ما قال كابتن حسن".