حمو بيكا يهاجم العسيلي: موضتك اتغيرت ومش سامعلك حاجة في السوق

هاجم مؤدي المهرجانات حمو بيكا، الفنان محمود العسيلي بعد تصريح الأخير الذي أشار خلاله انتهاء موضة المهرجانات.

وقال حمو بيكا خلال استضافته في برنامج "ورقة في ملف" الذي يقدمه الإعلامي هيثم بسّام على قناة النهار: يبقى هو كمان موضته اتغيرت، لو نزلت دلوقتي الشارع وقولت تعرف حمو بيكا ولا محمود العسيلي هيقول حمو بيكا".

وأضاف حمو بيكا: "هو اتكلم عن عصام صاصا وقال فيه واحد اسمه عصام صاصا طلاما عرفته يبقى سمعته، إحنا بنحترمك واللي يحترم يُحترم"، وتابع: "مينفعش حد يجبلي سيرتك وأقول موضة قديمة هتنتهي يبقى أنا مش سامعلك أي حاجة في السوق".

وعن تعامله مع الفنان مصطفى كامل نقيب المهن الموسيقية، قال حمو بيكا: "بحبه جدًا وحد محترم وهو اللي واقف جمبنا وكان نفسنا في ده من زمان وساعدنا وكفاية لو الساعة 3 الفجر أو 5 الفجر وعندي مشكلة واتصلت بيه بيرد عليا وأقوله والاقيه باعتلي مناديب وناس نزلالي بتحللي مشكلة ومتابعنا خطوة بخطوة وربنا يخليه لينا".