أحمد العوضي: الناس بتستنى مني لزمات محددة بحب أعملهالهم

كشف النجم أحمد العوضي، عن تفاصيل شخصية "بكر الإسكندراني" التي يقدمها في فيلم "الإسكندراني" لافتًا إلى أنه حاول الظهور بشكل طبيعي بعيدا عن الكليشيهات والكلمات المكررة التي ظهرت في أعمال سابقة.

وقال أحمد العوضي خلال لقائه في برنامج "مساء الإمارات" من تقديم عبد العزيز أحمد عبر قناة "الظفرة": "الحمد لله استقبال إخواتي في إسكندرية كان فوق ما اتخيل حب الناس فضل من ربنا أنا مليش يد فيه، أي شخصية بعملها سواء صعيدي أو إسكندراني بشتغل عليها بحيث أنها تطلع بتفاصيلها لما حد يشوفها يصدق أنه إسكندراني".

وأضاف العوضي: "وبعدت عن الكليشيهات اللي الناس معتاده عليها عملته طبيعي زي ما هو موجود وبشوفه في الشارع، في فرق بين اللي بنشوفه في التليفزيون وبين اللي بنشوفه في الشارع أنا بعمل الحقيقي بطلعها باللي عينه شافته".

وتابع أحمد العوضي: "لما ذاكرت الإسكندراني نوع الدراما مختلف الصراع بين أجيال بين الأب وابنه، والناس بتستنى مني لزمات محددة بحب أعملهالهم".

أبطال فيلم الإسكندراني 

يشارك في بطولة فيلم «الإسكندراني»: أحمد العوضي، وزينة، وحسين فهمي، وانتصار، ومحمد رضوان، وعصام السقا، وبيومي فؤاد، ومحمود حافظ، ومحمود الليثي، وصلاح عبد الله، وهو إخراج خالد يوسف.