مذيع شهير جدا بين ضحاياه.. منة فضالي تكشف تفاصيل تعرضها للنصب على يد شخص عراقي (فيديو)

نشرت الفنانة منة فضالي، عبر حسابها الرسمي على موقع "إنستجرام" مقطع فيديو تكشفت من خلاله تفاصيل تعرضها للسرقة، في إسطنبول بتركيا.

وقالت منة فضالي في بث مباشر: "الراجل ده اتعاملت معاه السنة اللي فاتت، وكان كويس جدًا، والسنة دي طلب فلوسه مقدم قًلت له تمام، ودفعت الفلوس على مدة 18 يوما في إسطنبول، وجبلي السواق كان معاملته سيئة مع والدتي، وأنا والدتي عاجزة بتكون محتاجة حد يساعدها لأنها بتمشي على عكاز".

وأضافت منة فضالي: "طلبت منه تغيير السواق، ولكنه رفض، وقالي ده اللي موجود وأنا مش فاضي، قُلت له، طب أنا مش عايزة العربية، أنا اخدتها أسبوع خد حساب الأسبوع ورجع باقي فلوسي، كل شوية يقول لي أنا مش موجود ومسافر أو قاعد مع خطيبته، ورفض يرجع لي فلوسي".

واستكملت منة فضالي حديثها في البث المباشر: "قدمت شكوى ضده، أنا عارفة إن فلوسي راحت، لأنه بيقولي ملكيش عندي حاجة، وحسبي الله ونعم الوكيل، أنا مش بحب حد يتأذي، أنا بتكلم علشان فيه ناس كتير بتتعامل معاه ونفس الحركة دي عملها مع الأستاذ جورج قرداحي، يا ريت الناس تاخد بالها".