الورقي
6 ملايين جنيه في سنة.. ننشر أقوال طليق البلوجر هدير عاطف بالتحقيقات
منذ عام تم الإعلان عن وفاة المتهم بلال زوج البلوجر هدير عاطف، ليتبين كذب هذا لاحقا وسط اتهامات له باللجوء إلى هذا الأمر للتهرب من تهمة النصب والاحتيال على عشرات الضحايا، في مبالغ مالية تخطت عشرات الملايين من الجنيهات، بحجة استثمارها في العقارات والسيارات والبورصة، بعد امتناعه عن السداد، ما اضطر الضحايا للتوجه إلى أقسام الشرطة وتحرير محاضر بحقه، فألقي القبض عليه وكذلك على طليقته البلوجر هدير عاطف، وشقيقة الأول وزوجها ويجري التحقيق معهما حتى الآن.
أقوال المتهم بلال طليق البلوجر هدير عاطف
وينفرد النبأ بنشر أقوال المتهم بلال طليق البلوجر هدير عاطف، إذ قال: «كنت بتداول في البورصة في الدولار واليورو والنفط والغاز والكهرباء والذهب والفضة والأسواق العالمية، وكان رصيدي هو 3 ملايين جنيه ده كان أكبر رقم، وكسبت حوالي 6 ملايين جنيه بخلاف الـ3 ملايين جنيه الأصول، والكلام ده في حدود سنة، والفلوس دى بتاعتى وبتاعت ناس مشغلاها معايا، وأنا أكيد مش عارفهم مين هما كلهم، ومش قادر أتذكرهم كلهم بس هم حوالي 100 عميل، وهم ناس جايين عن طريق الإنستجرام الخاص بي، واللي اسمه بیلی دیب».
وتابع: «العملاء كانوا بيتواصلوا معايا لما كنت بنزل إعلان بأرباحي وبسيب أرقام تليفونات الناس تتواصل عليها اللي عاوز يحصل على أرباح، وكانت بتبقى عبارة عن إعلانات أستوري بإن اللى عايز يحصل على أرباح من نسبة 20 إلى 30% يتواصل على أرقام هواتف كنت كاتبها في الاستوري ويستثمر فلوسه معايا وأنا هديله أرباح، وأنا اللي كنت بعمل الإعلانات دي وبدعي الناس إن هي لو عايزة تحصل على أرباح تديني فلوس، وكانت الإعلانات دي موجهة لكل الناس وأى حد يستثمر فلوسه يتصل بيا على الأرقام اللي كاتبها في الإعلان، وملكية أرقام الهواتف دي غالبًا باسم تامر زوج أختي هاجر».
وأوضح: «أنا بعمل الإعلانات على الحساب الخاص بيا على الإنستجرام من حوالي 8 شهور، وكانت الناس تتواصل مع أرقام التليفونات للحجز أو الوصول ليا، والأرقام دى كانت مع هاجر أختي وتامر جوزها، وكان بيتم تحديد ميعاد للاطلاع على بياناته ومقابلتي للاتفاق على المبلغ المالي ونسبة الأرباح والمدة، والمكان اللي هنتقابل فيه كان بيبقى على حسب الاتفاق، وأي حد من العملاء كان بيتواصل ويرغب في الاستثمار يتم التأكد من بياناته وتحديد له ميعاد».
