عصام صاصا الأكثر استماعا.. محمود العسيلي يكشف سبب تراجع أغاني المهرجانات

كشف الفنان محمود العسيلي، عن سبب تراجع مطربي المهرجانات لافتًا إلى أن تغير الموضة أو الترند ناحية أغاني "التراب" هو السبب.

وقال محمود العسيلي، خلال لقائه في برنامج "حبر سري"، مع الإعلامية أسما إبراهيم، على قناة القاهرة والناس: "الدنيا بتتغير المهرجانات كانت موضة والترند بيتغير مع الوقت وجت لهم فترة كانوا الحاجة المناسبة للذوق العام ودلوقتي اختفوا شوية عشان مش بيجددوا وبقى التراب هو الترند ومكسر الدنيا".

وأضاف محمود العسيلي، أن عصام صاصا واحد من أكثر المطربين استماعا على جميع المنصات وهو الأكثر استماعا في كل المنصات واليوتيوب من الجميع في الوطن العربي.

وأوضح أن الاكثر استماعا مع الجيل الصغير الآن هو التراب وسيأتي وقت عليه وسيختفي لأنه مبني على موضة غير ناس قليلة عندهم شكل ثابت ويطوروا.

واختتم محمود العسيلي: حمو بيكا وعمر كمال وشاكوش موجودين ونجاحهم كان كبير ودلوقتي بينجحوا في حاجات وحاجات لا ومش بقوا زي الأول وبيبقى ظواهر، والشاطر هو اللي يتحول ميبقاش ظاهرة ويكون له شكل خاص به ويكون فنان له لون وشكل بس معظم مطربي المهرجانات مش بيعملوا كده".