أماني التونسي: مسلسل "بقينا اتنين" من المسلسلات الغالية جدا على قلبي

عبرت السيناريست أماني التونسي، عبر حسابها الرسمي على موقع التواصل الاجتماعي "فيسبوك" عن سعادتها البالغة بأحدث أعمالها الفنية، وهو مسلسل "بقينا اتنين" لافتة إلى أنه من أحب المسلسلات على قلبها.

وكتبت أماني التونسي: "مسلسل بقينا اتنين من المسلسلات الغالية جدا على قلبي.. بقينا اتنين بيتكلم عن صدمة ما بعد الانفصال، بس مش اي انفصال ولا اي طلاق لا ده، انفصال وأنت بتحب الطرف التاني، عادي تنفصل عن حد بتحبه وكان شريك حياتك، بس لما تكتشف ان ده مكانش حب وانك كنت شايفه بعيون قلبك اللي دايما بتبقى بتحكم غلط".

وأضافت: "لأن كل طرف بيحب التاني بطريقته يعني طرف بيدي للطرف التاني اللي العطاء خلاه اناني اتعود ياخد وبس بعد ما كان بيدي في الأول لغاية ما خلاص بقى الطرف التاني مضمون وأكبر ضمان هو الجواز اللي بيخلي كل طرف فاكر أن التاني بقى ملكه ومش محتاج اي مجهود إنه يحافظ ع العلاقة وخصوصا لو في أولاد".

وتابعت أماني التونسي: كل واحد بيحب التاني بطريقته دي اكبر مشكله لو انت بتتحب بالطريقة اللي مش بترضيك ومش بتكفيك من هنا بتبدا الخطوات السريعه أو البطيئة للانفصال وهنا بقى السرعه والبطئ بتعتمد على دفع كل طرف في العلاقة لإنهاء العلاقة اللي بتستنزف كتير أو ي من روحك".

واختتمت: "أنه يبقى إضافة لأعمالي اللي هسيبها في الدنيا من بعدي مسلسل بقينا اتنين.. تأليف أماني التونسي، إخراج طارق رفعت، إنتاج:كريم ابوذكري".

أبطال مسلسل بقينا اتنين

يشارك في مسلسل "بقينا اتنين": شريف منير، رانيا يوسف، ميمي جمال، يوسف عثمان، طارق عبدالعزيز، تامر فرج، مروة عبد المنعم، عزة لبيب، ياسر الطوبجي، نانسى هلال، عزت زين، نبيل علي ماهر، عمر طلعت زكريا، وهو من تأليف أماني التونسي، وإخراج طارق رفعت، وإنتاج كريم أبو ذكري.