بعد حلقته عن فلسطين.. محمود سعد: أحمد الغندور بيقدم حاجة جميلة مختصرة

أشاد الإعلامي محمود سعد في بث مباشر عبر قناته الرسمية على موقع الفيديوهات الشهير "يوتيوب"، بأسلوب أحمد الغندور في الحكي وطالبه بتقديم المحتوى الخاص به بلغة أجنبية.

وقال محمود سعد خلال بث مباشر: "أنا لما بشوف حاجة حلوة بتتعمل بحب أدعمها والدحيح مش محتاج مني دعاية هو شاب ماهر وموهوب، وبيبذل مجهود جبار عشان يقدم الحاجات اللي بيقدمها في وقت قصير، يمكن الطريقة بتاعته أن هو سريع ميرتحلهاش الناس الكبيرة اللي زي حالاتي لكن أنا معجب بيه لأني ببص ليه ببعد أكبر، لكن هو مناسب للشباب اللي بيتكلموا بسرعة وبيوصل ليهم وده إللي احنا عايزينه".

وأضاف: "إحنا الكبار عارفين واللي مش عارف بيقدر يعرف من ناس كتير، لكن أحمد الغندور بيقدم حاجة جميلة مختصرة وأحيانًا بتطول منه لما الموضوع يحتمل وهي حاجة مفيدة، اللي ما شافش الدحيح لما اتكلم عن فلسطين هو جاب الحكاية من الأول أرجوكم تشوفوه وتخلوا أولادكم يشوفوه ويشيروه".

وأوضح محمود سعد: "وأنا عارف يا أحمد انك خريج جامعة أمريكية وانك بتعمل المحتوى بطريقتك دي بلغة تانية لأن طريقتك دي تعمل شغل برا وتخليه مختصر شوية، وياريت كل الناس اللي عندهم مهارات ويقدورا يوصلوا للشباب يعملوا الحكاية دي زي أحمد أمين مثلا".

أحمد الغندور في الدحيح

حقق صانع المحتوى أحمد الغندور نجاحًا باهرًا في الحلقة الأبرز في تاريخ محتواه، وحرص حكاية الأرض لـ الدحيح على تعريف الجندي المجهول وراء تلك الحلقة، وكشف أصل الصراع الإسرائيلي الفلسطيني، وما يتعرض له أهل غزة حاليًا، بجانب ستة أساطير خلقتهم إسرائيل حتى تحصل دائمًا على تعاطف عالمي، على الرغم من ارتكابها الجرائم الشنيعة في حق الفلسطينيين، وكشف أكاذيب إسرائيل، والسردية الوطنية التي تمسكوا بها في روايتهم المتعارف عليها، للتمكن من أراضي الفلسطينيين مستخدمًا أدلة ووثائق تاريخية.