الورقي
عمرو أديب يدافع عن بيومي فؤاد: اللي بيحصل معاه وقاحة
علق الإعلامي عمرو أديب على الانتقادات التي وجهت للفنان بيومي فؤاد، عقب حديثه عن انسحاب الفنان محمد سلام، من مسرحية «زواج اصطناعي» بموسم الرياض.
وقال، خلال برنامجه «الحكاية»، على قناة Mbc مصر، إن ما يحدث مع بيومي فؤاد «وقاحة»، وتابع: «اية اللي أنتو بتعملوه مع بيومي فؤاد ده.. هو الراجل عمل ايه.. ايه اللي أنتو بتقولوه على الراجل ده.. اية الشتيمة القبيحة دي.. ده لو بيعرض في إسرائيل مكنتوش هتعملوا معاه كده».
وتابع: «في ايه يا جماعة.. أنا عايز أسأل ضميركم سؤال.. مضايق من بيومي فؤاد وشايفه عبد للفلوس وللمادة ومش شايف فلسطين.. اللي اتعمل في بيومي فؤاد النهاردة أد اللي عمله؟».
وأكمل: «هل العقاب الجماعي الأسطوري على الكلمتين اللي الراجل قالهم على المسرح؟ الراجل تحت ضغط.. الراجل بيتشتم ليل نهار.. هو عمل ايه.. الراجل بيشتغل شغلته.. هو ممثل».
وذكر «أديب»: «إمبارح كان في 7 مطربين بيغنوا في أبو ظبي.. ولا حد قربلهم.. في مصر عدد من الحفلات ولا حد قربلهم.. إنما هو عشان في الرياض.. أنا بتكلم بصراحة.. موسم الرياض شغال ومش هيقف.. الناس دي لو قعدت في مصر هياكلوا منين.. الراجل بيمثلنا برة والناس بتقدره وتصقفله لكن عندنا بيتهان».
تصدر اسم بيومي فؤاد، خلال الساعات الماضية، قائمة محرك البحث «جوجل»، عقب انتقاده للفنان محمد سلام، قائلًا: «من حقك تعتذر عن المسرحية، بس مش من حقك إنك تغلط في فنك، إحنا ما بنجيش علشان نضحك حضراتكم، إحنا بنقدم فن، فن مصري، وأنتم بتحترمونا وإحنا بنحترمكم جدًا».
وأضاف: «أنا فنان مصري وليا الشرف جيت المملكة العربية السعودية.. كتر خيركم كتر خيركم كتر خيركم، شيء عظيم إني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي».
