الأمر يتعلق بإدانة حماس.. عمرو أديب يكشف سبب عدم صدور بيان ختامي لـ قمة القاهرة

كشف الإعلامي عمرو أديب، عن سبب عدم صدور البيان الختامي لقمة القاهرة للسلام والتي عقدت السبت في العاصمة الإدارية.

إدانة حماس

وقال عمرو أديب، خلال تقديمه لبرنامج «الحكاية»، المذاع عبر فضائية «إم بي سي مصر»، مساء السبت، إن سبب عدم صدور البيان الختامي لقمة القاهرة للسلام، يتعلق بمطالبة بعض الدول الغربية بإدانة ما حدث في 7 أكتوبر 2023 «عملية طوفان الأقصى».

وأوضح أن بعض الدول الغربية تطالب بتصنيف ما فعلته «حماس» بأنه عمل «إرهابي»، والتأكيد على حق إسرائيل في الدفاع عن نفسها.

وتابع: «البيان كان لازم يعبر عن الناس اللي موجودة في القمة، اللي هما الدول الأوروبية والدول العربية ومصر الداعية للمؤتمر، هيقول لك حط في البيان إنك عايز تدافع عن الفلسطينيين، ولكن لازم تدين اللي حصل في 7 أكتوبر وتقول إن ده إرهاب، ولازم تذكر حق إسرائيل في الدفاع عن نفسها، كلهم جايين جمعاء بس عشان الموضوع ده».

وأضاف «أديب»: «أنت كمصر ودولة، هذا هو ملفها وأمنها القومي وتاريخها وجغرافيتها، إنت بتقول الناس تعالوا نشرح ونفهم، وأيا كان وجهة نظركم إحنا لازم نشوف اللي بيجري دلوقتي ونشوف نخلصه إزاي، ولا تكون الفكرة الوصول إلى وقف إطلاق نار ثم ننسى القضية مثلما حدث بالماضي، لازم المرة دي نوصل لحل، عايزين حل إدوا ناس حقوقها، الفلسطينيين باقي في أرضهم 11%».