لأول مرة.. هاجر الشرنوبي تكشف تفاصيل تعرضها للسرقة

كشفت الفنانة هاجر الشرنوبي، خلال لقائها في برنامج "الستات" الذي يعرض على قناة النهار، عن تفاصيل تعرضها للسرقة من قبل العاملة التي تساعدها بالمنزل.

وقالت هاجر الشرنوبي خلال لقائها: "كان في ست بتساعدني في البيت وفي مرة أحد متعلقاتي اختفت من المنزل ومشكتش فيها، بس أمي عندها الحاسة السادسة علي طول بتقولي خلي بالك وأنا أقولها دي غلبانة وبتطلع هي اللي صح".

وأضافت: "أنا فكرت أعملها اختبار حطيت خاتم فضة علي البوفيه واختفي بعد ما خلصت ومشيت، كلمتها قولتلها في حاجة مش موجودة، قالتلي كان في علبة وقعت ورا البوفيه وأنا كسلت أجبها خليكي زى ما أنتي وأنا هاجي أجبهالك ".

واستكملت حديثها: " أنا من الصدمة مكنتش مصدقه وقولت خلاص مش هجبها تاني، وسافرت بعدها كنت عايزه أفصل شوية، ولقيت ظابط بيكلمني بيقولي أن الست دي ظبطوها وهي بتبيع فردة الحلق بتاعتي ومع الضغط عليها اعترفت أنها سرقتني وأنها كانت بتمثل عليا".

مسلسل ليل أم البنات

يذكر أن أخر أعمال الفنانة هاجر الشرنوبي، مسلسل "ليل أم البنات" الذي عرض في رمضان 2023، وشاركها البطولة عدد من نجوم الفن ومنهم: سهير رمزي، فريال سيف، ناصر سيف، أيمن عزب، منة عرفه، ديانا هشام، سميرة صدقي، حنان سليمان، محمد عبد الجواد، مادلين طبر، ياسر علي ماهر، محمد مهران، أحمد جمال سعيد، محمد أحمد ماهر، ومن إخراج عبد العزيز حشاد.