الورقي
«امتهان للفلوس».. تامر أمين يعلق على واقعة إلقاء «نقطة» على شيخ في عزاء
علق الإعلامي تامر أمين، على واقعة إلقاء شخص نقودا «نقطة» على أحد قراء القرآن الكريم في عزاء بمحافظة الدقهلية.
وقال تامر أمين، خلال تقديمه برنامج «آخر النهار»، المذاع عبر فضائية «النهار»، اليوم الأربعاء، إنه لا يريد أن يقسو على صاحب الواقعة، متابعًا: «هو أكيد مش قاصد، لكن هي الطريقة اللي فكر فيها عشان يعبر عن إعجابه، المناخ العام فيه الطريقة دي».
وأضاف تامر أمين: «الطريقة دي فيها امتهان للفلوس، والمكان اللي أنت فيه، وامتهان لنعمة ربنا، الفلوس اللي بتترمى على الناس فيما يعرف بالنقطة، شكلها مسيء، عمري ما حبيتها، لا بحب أنقط ولا اتنقط».
وتابع: «الفلوس نعمة كبيرة من عند ربنا، والناس اللي محرومة منها عارفين قيمتها، يبقى في ناس محرومة منها ومش لاقية الفلوس، وعلى الجانب التاني في ناس بترمي الفلوس تحت الرجلين، إزاي تعمل كده في نعمة ربنا».
وأثنى تامر أمين، على موقف القارئ الشيخ محمود القزاز، والذي تصرف بحكمة وبشكل منضبط، موضحًا: «أخد الفلوس بامتعاض، وحطها على جنب، من غير ما يعمل أزمة أو خناقة في العزاء، لأنه عارف المقام اللي موجود فيه وحامل كتاب الله».
