عمرو محمود ياسين لـ برنسة عبد الغني: ملخص مسلسلك في الحفظ والصون

عمرو محمود ياسين لـ برنسة عبد الغني: ملخص مسلسلك في الحفظ والصون 

علق المؤلف عمرو محمود ياسين على ما قالته برنسة عبد الغني، أشهر كومبارس في السينما المصرية، وأنها أعطته ملخصا لقصة حياتها لكي يكتبها لكنه أضاعه.

وكتب عمرو محمود ياسين، عبر حسابه على موقع التواصل الاجتماعي “فيس بوك”: "النهاردة لقيت الخبر ده: برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه، يا أستاذة برنسة تحياتي ليكي أولا، ثانيا حضرتك كنتي قابلتيني وإحنا بنصور مسلسل "ونحب تاني ليه" على ما أتذكر ولقيتك من تلقاء نفسك جايبالي ملخص وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش اقراه وقتها".

وتابع عمرو محمود ياسين: "قريته بعد كده لما اتصلتي بيا فكرتيني به بعد فترة طويلة.. وقتها أنا قريته وللأسف ملقتش فكرة مناسبة له، وحضرتك ما كلمتينيش تاني وأنا ما تصلتش برضه وده تقصير مني بعتذر عنه، لكن مش عارف جبتي منين حكاية إني أنا ضيعته؟؟ مش عارف جبتي الفكرة دي منين؟ الملخص بتاعك في الحفظ والصون زي ما هو وتقدري تاخديه وقت ماتحبي.. وربنا يكرمك.

ونشر عمرو محمود ياسين صورة لملخص المسلسل ليثبت صحة كلامه.

وكانت برنسة عبد الغني قالت خلال حلولها ضيفة على برنامج "المنسي" من تقديم إنجي هشام عبر قناة "هي" أنها كتبت ملخصا لقصة حياتها وأعطته لعمرو محمود ياسين وهو أخبرها أنه أضاعه وأوضحت: "أديت قبل كده لأستاذ عمرو محمود ياسين وضيعها، كتبتله القصة كام صحفة على أساس هو يكمل عليها أنا كاتبة ملخص، وقابلته في مسلسل، وللأسف ضاعت منه".