بسمة وهبة تهاجم مطربا: أنت بقيت مادي ياريت تتعلم من تامر حسني الأصغر منك

بسمة وهبة تهاجم مطربا: أنت بقيت مادي ياريت تتعلم من تامر حسني الأصغر منك 

وجهت الإعلامية بسمة وهبة، رسالة شديدة اللهجة لأحد المطربين، بعد ما حدث اليوم من إشادة نجوم الفن بالراحل المطرب علاء عبدالخالق.

وقالت بسمة وهبة، خلال تعليق عبر برنامجها «90 دقيقة» والمعروض على قناة المحور، اليوم الثلاثاء، موجهة حديثها لهذا المطرب، والذي لم تكشف عن اسمه: «ياريت تتعلم أخلاقيات المهنة من اللى إنت شوفته النهارده، إنت بقيت مادي جدًا، مش حاجة الفلوس، وياريت تتعلم التواضع، نجوم كتير النهارده أكبر منك بكتير جدًا نعوا الراحل علاء عبدالخالق».

وأضافت: «لما كنت بدافع عنك، أنا كنت بدافع عن بلدي، ومش زعلانة إني دافعت، لكن إنت في الحقيقة ما تستهلش إنه حد يتكلم عنك، لأنك كنت قاعد بتتفرج على الحلقة ومش عايز تدخل وترد، ولا إنك تساعد زميل ليك، ولا حد بيكلمك عشان خاطر تعتذر، وإحنا بنتكلم وهندي الأمور، ونتكلم عنك بكل محبة».

وتابعت بسمة وهبة: «ياريتك تتعلم إن الفن مش بفلوس، ياريت تتعلم من الأصغر منك تامر حسنى، محدش بيطلب منه حاجة إلا ويعملها له، إنت فاهم الفن غلط، إنت بتساويه بالدولار والفلوس، وياريت تتعلم».