الورقي
بعد السخرية من صورته قبل الشهرة.. فنانون يدعمون تامر حسني برسائل على "فيسبوك"
وأعلن عدد كبير من نجوم الفن تضامنهم مع "حسني"، وانتقادهم للسخرية منه، مؤكدين أنه فنان طموح وناجح وقدوة يُقتدى بها بدلًا من الاستهزاء منها.
كانت الفنانة عبلة كامل واحدة من هؤلاء الفنانين، التي أعلنت تضامنها ودعمها للفنان تامر حسني، حيث كتبت له على الصورة: " الإصرار سر النجاح.. منشور جميل حبيبي تامر أنت قدوة للشباب"، لترد عليها الفنانة وفاء عامر بقولها: "كلامك صح.. وشكرًا للولد الصغير".
وكتبت الفنانة انتصار: "راجل الولد الصغير"، ورد المنتج تامر مرسي عليه بقوله: " وحياة ربنا أنا فخور إن في حياتي وفي جيلي أخ وفنان اسمه تامر حسني".
بينما كتب نجم برنامج "ستار أكاديمي" محمد شاهين: "أنت فخر لأي حد"، وردت الفنانة هبة عبد الغني: "تستاهل حب الناس وتقديرهم ليك يا محترم".
فيما عضو فريق بلاك تيما أمير صلاح الدين، فكتب: "حقك.. حلمك.. مجهودك"، وعلق المؤلف عمرو محمود ياسين: "أحب أشوف صور اللي بيتريقوا دلوقتي.. مش من 15 ولا عشرين سنة.. لا دلوقتي.. أشوفهم كده وهما بيتريقوا على شاب بنى نفسه بنفسه وعمل اسم وصل به لحدود العالمية.. يا خسارتنا في تفاهتنا وبرافو تامر حسني.. برافو".
وكتب الملحن مجدي سليم: "تامر حسني استمر يا صديقي ياليي بتعلم منك النجاح أنت إنسان محترم جدًا ربنا يوفقك يا نجم الجيل والأجيال القادمة بإذن الله.. أنت رقم واحد يا حرقهم".
وأضافت الفنانة إيناس عز الدين: "عمر ما كان عيب إن الإنسان يطور نفسه ويحسن من نفسه ومن عيوبه لأن ما حدش خالي من العيوب وكلنا فينا بلاوي ما يعلم بيها إلا ربنا وبنحسن من نفسنا سواء معانا فلوس أو لاء والناس اللي بتقول إن الفلوس كل حاجة ياما بنشوف ناس معاهم فلوس لكن لا بيعرفوا يلبسوا ولا بيبان عليهم وناس على قد حالهم لكن مهندمين في نفسهم وتشوفهم تقول في بؤهم معلقة دهب".
وتابعت: "مش عيب تبدأ من الصفر وتوصل لمركز مهم وتهتم بنفسك لكن العيب إنك ما تشوفش عيوب نفسك وتشغل بالك بعيوب الناس وتتريق عليهم".
وأكملت: "وفي النهاية شوف أنت فين واللي بيتريق عليه بقى فين يمكن تفهم ساعتها إن التريقة على مخاليق ربنا مش هتخليك أحسن أو أنجح منهم.. هتفضل مثلي الأعلى في الأخلاق والتواضع والنجاح والإرادة والطموح".
وقال الفنان الشاب أحمد جمال سعيد: "بجد أنت إنسان محترم وصدقني على فد ما تعبت على قد ما ربنا هيكرمك إن شاء الله.. شكرًا على البوست اللي خلاني فعلًا أفكر بإيجابية أكتر".
