الورقي
مسلم: ماليش منافس وغنيت «يا أصفر» لـ حودة بندق علشان استفزني
كشف مغني المهرجانات مسلم، أن أغنيته «يا أصفر»، غناها لزميله في المجال حودة بندق، مُشيرًا إلى أنه يرفض مقارنته بنجوم الغناء ومؤديي المهرجانات الآخرين.
مسلم: ماليش منافس وغنيت «يا أصفر» لـ حودة بندق علشان استفزني
وبحسب «مسلم» في تصريحات مُتلفزة عبر برنامج «أسرار»، إن الأغنية جاءت من وحي خياله، ولم يكن يتصور إنها ستحقق هذا النجاح، معقبًا: "أغنية يا أصفر كانت من وحي خيالي، وكان فيه مشكلة ساعتها معايا، وهي سبحان الله نجحت، وغنيتها لواحد كان صديقي جدًا، ودلوقتي حبيبي وبـ أموت فيه، وهو حودة بندق.. كان بيننا مشكلة واحنا صغيرين وهو طالع من قبلي وهو محترم ومن الناس اللي شقيت ولما اتشهرنا مع بعض حصلتلنا عين بعدتنا عن بعض، فا استفزني بالكلام رحت رديت عليه بالشغل، وغنيتها له، واتحسدنا لأننا نجحنا مع بعض كتير زي أغنية خطر جايبة 140 مليون وعاملين ألبوم مكسر مصر".
واختتم مسلم حديثه في هذا الشأن، قائلًا: "ماينفعش المقارنة بيني وبين عصام صاصا وحودة بندق، كل واحد ناجح في حتة، وأنا مش شايف نفسي مع دول، مش معنى كدا إنهم وحشين، أنا صنعت حتة لي، ومش شايف منافس لي، ولما بـ أغني مع أي حد، بـ أحط حتتي، ودي أجمل حاجة بـ أعملها، مش عايز أنافس غير نفسي".
