ياسمين عز: الزوج الأهلاوي مش بيرضى غير بالمركز الأول

ربطت الإعلامية ياسمين عز، بين مباراة القمة التي تجمع الأهلي والزمالك، والمقررة غدا السبت في بطولة الدوري الممتاز، بين العلاقات الزوجية والأسرية، مؤكدة أن الزوج الأهلاوي لا يقبل أن يكون سوى رقم واحد في بيته 

وقالت ياسمين عز في حلقة الليلة من برنامجها كلام الناس، المذاع عبر قناة إم بي سي مصر: "الأهلاوي أصيل عمره ما يتخلى عنك، مهما كنتي منكدة عليه، لأنه من أول لحظة ليكم سوا واخد عهد على نفسه إنه على الحلوة والمرة معاكي". 

الزوج الأهلاوي مش بيرضى غير بالمركز الأول 

وأضافت ياسمين عز: "الراجل الأهلاوي مش بيرضى غير بالمركز الأول، علشان كدا لازم تبقي طول الوقت بريمو، ونمرة واحد في كل حاجة". 

وأكملت: "الأهلاوي مش فارقة معاه تطبخي إيه، أو شكل السفرة عامل إزاي، حتى لو هتحطي الأكل في أطباق بلاستيك أو كرتون، أهم حاجة تفرق إنه ميقومش من على السفرة غير وهو شبعان على الآخر". 

وواصلت ياسمين عز: "لو بعيد الشر فكرتي تغضبي وتمشي وتسيبي البيت، اعرفي إنه صعب أوي ترجعيله مرة تانية، لأن الراجل الأهلاوي عنده قوانين صارمة مش بيخالفها أبدًا". 

وأضافت ياسمين عز: "الزوج الأهلاوي يعشق الاحتفال بكل مناسبة، عمره ما ينسى عيد ميلادك أو عيد جوازكم، راجل فرفوش، بيحب يحتفل بمناسبات غريبة، ممكن تكوني إنتي مش واخدة بالك منها، لكن بالنسبة له هي بتخلد أمجاده وذكرياته، زي مثلا أول مرة عملتيله صينية بط بالبرتقال، هتلاقيه كل شوية بيفكرك بيها وبيقولك البطة ممكن".