الرحمة حلوة.. لقاء الخميسي توجه رسالة شديدة اللهجة لجمهورها والصحفيين

وجهت الفنانة لقاء الخميسي رسالة لجمهورها ومتابعيها، عبر حسابها الرسمي على موقع "إنستجرام" ومن خلال خاصية الـ "STORY" وطالبتهم فيها باحترام آرائها.

كما وجهت لقاء الخميسي رسالة للصحافة التي تأخذ تصريحات عنها ويتم اقتطاعها من سياقها قائلة: رسالة للصحفيين اللي بيحبوا يكتبوا الأخبار عشان التريند وناس تدخل يا تكتب الخبر كامل وصح كما قيل يا متكتبوش وتحترم نفسك".

وأضافت الفنانة لقاء الخميسي: "رقم 2 رجاء من كل الناس اللي بتابع السوشيال ميديا اللي بيحب حد يدخل عنده ويقول كلمتين حلوين أو ليصمت ممكن نختلف في الآراء لكن نتعلم إزاي نحترم الاختلاف نبطل نهين بعض ونبطل نرفض أفكار بعض كل واحد زي ما إتربى واتثقف كل واحد ليه تفاصيله ومعتقداته ممكن اختلف باحترام، ولا يصح أن أهاجم حضرتك حاجة بقت تزهق بصراحة.

وتابعت حديثها من خلال مقطع الفيديو: "يا جماعة الممثل بني آدم عنده نفس التفاصيل اللي بتمر بيها عنده مشاكل إحنا بنظهر بس الجانب المشرق إحنا موجودين عشان نفرحكم ونقدملكم حاجة تغير مودكم إحنا بنيجي على نفسنا عشان نبسطكم حبونا شوية وشوفونا بني آدمين عندنا مشاكل مفيش حد في العالم معندوش مشاكل الرحمة حلوة".

لقاء الخميسي في إجازة مفتوحة

شاركت الفنانة لقاء الخميسي، مؤخرًا، في مسلسل "إجازة مفتوحة" وهو من بطولة شريف منير، سميحة أيوب، هشام إسماعيل، مراد مكرم، سامي مغاوري، دنيا ماهر، ملك قورة، كريم أبو زيد، نور محمود ومؤمن نور، وهو من تأليف أحمد محمود أبو زيد وإخراج محمد عبد الرحمن حماقي.