رئيس التحرير
خالد مهران
count
count

شيرين رضا: عمري ما لبست فستان في الحقيقة.. وبنتي مش هتعمل فرح

شيرين رضا وابنتها
شيرين رضا وابنتها

كشف الفنانة شيرين رضا عن سبب عدم إقامة حفل زفاف لابنتها نور عمرو دياب، لافتة إلى أنها لا تؤمن بضرورة إقامة حفل الزفاف عند الزواج.

وأضافت شيرين رضا خلال لقائها في برنامج Etبالعربي: "نور مخطوبة دلوقتي وهتتجوز أكيد، واحنا ماعندناش الأفراح، ولا نؤمن بهذه الأشياء.. وأنا عمري ما لبست فستان فرح، لبسته في التمثيل بس مالبستش في الحقيقة".

وتابعت: "طبعا كل واحد حر يعمل اللي هو عاوزه، احنا ماتربناش كدا، ودي أفكار شخصية ونور ستتزوج في حفل عائلي وليس حفل زفاف فخم".

وأوضحت شيرين رضا السبب الرئيسي وراء عدم إقامتها حفل زفاف لابنتها قائلة: "أنا بشوف إن الحفلة الكبيرة دي فلوسها كتير أوي أوي، ليه هما ما يستمتعوش بالفلوس دي أكتر من فستان الفرح والقاعة اللي بالمبالغ الكبيرة، كل دا علشان ليلة واحدة ما هما ممكن ياخدوا الفلوس يستمتعوا بيها أكتر.. والمهم إن نور وجوزها وأهله وأهلها هما اللي يفرحوا وأصدقائها المقربين".

شيرين رضا تحت تهديد السلاح

يذكر أن آخر أعمال الفنانة شيرين رضا هو فيلم "تحت تهديد السلاح" وهو من بطولة: حسن الرداد، مي عمر، عمرو عبدالجليل، بيومي فؤاد، عباس أبو الحسن، ومن تأليف أيمن بهجت قمر، وإخراج محمد عبدالرحمن حماقي.