أول رد من حسام حبيب بعد عودته لشيرين: أنا اللي كنت غلطان

صرح الفنان حسام حبيب بأن حياته الشخصية كانت متاحة للجميع، قائلًا: "الناس اللي كانت واخدة موقف منى أقولهم أعذركم عشان أنا بحبها زيكم، وكنت زعلان عليها أيضا.

وأضاف حسام حبيب خلال مداخلة هاتفية في برنامج "الحكاية" مع الإعلامي عمرو أديب: "حياتنا كانت مفتوحة هو ده اللي عمل المشاكل، حطينا حدود كل واحد يشرف التاني ويبقى فخور بيه".

وأوضح: "الناس اللي كانت زعلانه منى ع راسي من فوق وانا هشرفكم، أنا اللي كنت غلط عشان طلعت حياتي الشخصية بره كلها وهغير كل ده".

واستكمل حسام حبيب حديثه مع الإعلامي عمرو أديب قائلًا: "من كتر ما بحبها كنت زعلان عليها، هي اللي اقنعتني، واتفقنا أن إحنا كل واحد يركز في حياته واتفقنا على كل واحد فينا يبسط التاني بيه، وقررنا أن حياتنا لينا إحنا بس".

واختتم في مداخلته الهاتفية على برنامج لحكاية: "رسالة للناس عذرتكم لأني كمان بحبها زيكم وهي مرت بأوقات صعبة ومش هعرف ادافع عن نفسي وخلي الناس تدعيلنا".