مرتضى منصور يهاجم ممدوح عباس.. ويؤكد فيريرا جراح وعودة أحمد جمال

فتح مرتضى منصور، رئيس نادي الزمالك، النار فى كل الاتجاهات بمهاجمة ممدوح عباس، رئيس الزمالك سابقا، ويؤكد فيريرا جراح ويقرر عودة أحمد جمال إلى العمل فى قناة الزمالك.

تصريحات نارية لمرتضى منصور

وأكد المستشار مرتضى منصور في مداخلة هاتفية ببرنامج زملكاوي على قناة الزمالك  تقديم طارق يحيى.

وتابع: “ممدوح عباس، ملوش ولا جنيه في نادي الزمالك وبأكد تاني ملوش أي جنيه في النادي، يوم الأربع هكشف عن كل حاجه في المؤتمر الصحفي، هو طلع مع أحمد شوبير في 2006، وقال أنا بتبرع للنادي ب40 مليون جنيه وبعد فترة قال ال40 مليون جنيه دول قرض، وقال إن الفلوس دي قرض، وعشان تبقى قرض لازم يبقى فيه قرار مجلس إدارة، والقرار ده يتعمل بيه محضر لمديرية الشباب والرياضة  ويتوافق عليه والكلام ده محصلش”.

واستكمل رئيس الزمالك: “الكلام ده برضو محصلش في فلوس تركي أل الشيخ للنادي الأهلي، لكن أنا عملت كده في الفلوس بتاعه تركي الشيخ للزمالك”.

وشدد مرتضى: “أنا مكتم على كل اللي بيحصل ده عشان في صفقات مع الأندية واللعيبة وخايف أن الصفقات تفشل، بيقولك أنا حجزت على بنك واحد، وحياه مامتك ده البنك الوحيد اللي فيه الفلوس أصلا، وهو اللي فيه فلوس نادي الزمالك  كلها اللي هي فلوس عامة”.

ممدوح عباس يكشف حقيقة حجزه على حسابات الزمالك في جميع البنوك

وعن مبارة لوسيل مع الهلال السعودي  قال مرتضى منصور: "الناس بتقول الزمالك اتعادل وخسر بضربات جزاء، ده كويس أن الزمالك اتعادل واللعيبة عارفة أن محجوز على فلوسها، احنا حاطين جزمة  في "بوقنا"  وساكتين، ما تلم نفسك يا أخي بقا".

وتابع: “ده كلم كل الناس وقالوله اتهد وكلم عمرو الجنايني وقاله اتهد، أنا عاوز اعرف مين حامي البني آدم في البلد يطلع يقول أنا حاميه، هو نادي الزمالك ده عزبة  أمي، بتضرب الزمالك في أخطر أسبوع عشان الصفقات، احنا سكتنا لحد ما نخلص صفقاتنا عشان الأندية واللعيبة متخفش والصفقات تفشل، أنا بقولك يا ممدوح يا عباس اني اتصرفت وكل لاعب اتفقت معاه على فلوس هياخدها، عشان احرق دمك يا ممدوح يا عباس أنت والمحامي الإخواني بتاعك اللي فرحان أنه عامل جريمة”.

وطمئن جمهور الزمالك: “يا جماعة محمد صبحي عقده سليم وآخر البند كان 31 / 8  والمفروض قبل نهايه الموسم بساعة  كان يبعتوا تفعيل العقد ولكن ده لم يحدث، فاركو مبعتوش الفلوس كمان وكنت بتمنى ان القيد في فاركو يبقى مفتوح عشان نديهم لاعبين من عندنا، احنا علاقتنا جيدة مع كل الأندية  الجيش وإنبي وبيراميدز والمصري".

وتحدث عن أزمة الإعلامي أحمد جمال: “بعتلي قالي أنا غلطت وبعتذر، قولتله لا أنت هتعتذر للجمهور ولشعب مصر وللجيش، أنت مغلطش فيا وقولتله أنت من بكرة في قناة الزمالك  وده درس لأحمد جمال يتعلم منه، وهو غلط واعترف بغلطه”.

وفيما يخص محترف كرة اليد، قال في لاعب أسباني أحنا جايبينه حاجة رهيبه، كنا المفروض نبعت الاتحاد الاسباني والنادي بتاعه حوالي 260 ألف يورو ومش عارفين نسجله عشان الحساب محجوز عليه، احنا عندنا بكره ماتش مهم قدام الأهلي في السوبر ومش عارفين نسجل اللاعب واحنا في حاجة ليه، دي حاجة كده على الماشي لجمهور الزمالك".

مرتضى منصور: فيريرا جراح 

ووجه رسالته؛ "يا جمهور الزمالك المحترم، أنت ليك عندي صفقات وبطولات ولكن مينفعش تدخل أوضة  العمليات على جراح اسمه فيريرا وهو شغال وعارف كل حاجه وتقوله افتح من هنا وهات ده، ارجوكوا سيبوا الراجل يشتغل ويشوف شغله واحنا هنجيب أحلى صفقات، مفيش لاعب مشي إلا بتعليمات من فيريرا، واللي اتمدله إعارة برضو بتعليمات من فيريرا، واللي اتعار اتمدله مدة الإعارة في عقده ومتعملوش شرط جزائي".

وتابع: "أنا على أخري، ارجوكوا يا جمهور الزمالك متضغطوش عليا أنا لسه عندي 64 فيديو بيشتموا فيا وكلهم سفالة".

ووجه مرتضى منصور، حديثه: “يا معالي رئيس الوزراء أحنا مش هنقدر نكمل طول ما ممدوح عباس مستمر وطايح ومحدش واقف قصاده، نادي الزمالك لو معرفش يجيب صفقات هيبقى موقوف عن القيد لمده 3 فترات، وأنا بحظرك يا ممدوح عباس انت وابنك من غضب الجمهور”.

والجدير بالذكر أن المستشار مرتضي منصور رئيس مجلس إدارة نادي الزمالك، أعلن عن عقد  مؤتمرا صحفيا بمقر النادي فى ميت عقبة، يوم الأربعاء المقبل الموافق 14 سبتمبر الجاري في تمام الساعة الحادية عشرة صباحا.