الورقي
مشاكل بالجملة يكشفها الحاجزين في مشروع جولف بورتو مارينا
اشتكى عدد من حاجزي مشروع جولف بورتو مارينا الساحل الشمالي التابع لشركة المطورن العرب القابضة «بورتو جروب سابقًا»، من تأخير استلام الوحدات، بالإضافة إلى خصم 10%، عند فسخ العقود، واعتراض الإدارة على تسليم مبالغ الحجز كاملة، حيث يتم تسلمها على دفعات، حسب ما ذكره الحاجزي.
وقال أحد الحاجزين: «أنا شاري في اللاجونز عماره 12 في جولف بورتو مارينا من 2019 وقالوا لى أن الاستلام بعد سنتين ويمكن قبل كمان روحت الصيف ده ملقتش أى حاجه تمت في البناء».
وأضاف: «كلمتهم في خدمة للعملاء، عايز أعمل فسخ عقد ومش عايز الوحدة يقولو لا خليها إعادة بيع وهما عارفين أن مفيش حد بيشتري منهم وكله بينفد بجلده قولتلهم خلاص افسخ وأخصم الـ10% ومش عاوزه الشالية».
وتابع: «قالوا لى مفيش فلوس في الشركة ولو كده هتاخدهم دفعات زي ما دفعتهم وكان في واحد صديق قالهم أنه ينقل على وحده جاهزه ويدفع المبلغ قالوله للأسف مفيش وكل ده لأن مشاريعهم كلها بلح والناس بتخلع من كل مشارعهم».
وواصل: «أنا بنصح أي حد معايا في الشرك أو المعارف من التعامل معهم حسبنا الله ونعم الوكيل فيهم».
ولم يقف الأمر لدي الحاجزين عند هذا الحد، بل لجأ بعضهم إلى رفع قضايا ضد شركة المطورون العرب القابضة، لاسترداد مبالغ الحجز والتعويضات.
مناشدة للرئيس السيسي
فيما ناشد آخرين، بتدخل الرئيس عبد الفتاح السيسي، لحل أزمة الحاجزين في المشروع، قائلين: «هناك آلاف الضحايا وكل مجموعة منا لهم شكواهم المختلفة من شركة شركة العرب القابضة (بورتو جروب سابقًا)، اللي منا مستأجر ومحجوز على بضاعته وممتلكاته بالعافيه وبدون حكم قضائي واللي منا مالك وبيمارسوا عليه التدليس من خلال فروق صيانة وهو دافع وديعة صيانة».
وأضاف الحاجزين: «واللي حاجز وما استلمش من 7 سنين، واللي بيجبروه يستلم وحدات ليست هي المتعاقد عليها، واللي وعدوه بشاطئ وحمامات سباحة وفجاءة لقي وحدته في الصحراء
واللي اتنصب عليه في كدبة التايم شيرواللي مالك وحده تجارية ومش عاوزين حتي يعرفوه مكان وحدته واللي متاخد منه مقدم أو عربون ورافضين يردوه».
وتابع الحاحزين: «اللي غيروا عليه الماستر بلان عشان يبنوا عمارات ومساكن شعبية واللي اتبعت ليهم بلطجية، واللي ضخوا له مياه مجاري داخل وحدته، واللي بيضغطوا عليه بسيف الشيكات، أغثنا ياريس.. لقد ضاع شقي عمرنا ومدخراتنا بممارسات غير قانونيه من هذا الكيان غير الآمين.. حقوقنا ياريس.. شقانا ياريس».
واختتم الحاجزين: «مستعدون للتحقيق والمساءلة بالمستندات والفيديوهات والمحاضر والقضايا والحوارات اللي بتتمارس علينا يا ريس».
