الورقي
فيديو.. أول رد للمصمم أحمد العجمي بعد ضرب زوجته البلوجر أحلام عادل في العمرة
رد المصمم أحمد العجمي، عما أثارته زوجته البلوجر أحلام عادل عن انفصالهم بسب ضربه لها في السعودية خلال العمرة وتطليقها بسبب شراءها سجاجيد لأصدقائها.
وبعث العجمي برسالة اعتذار لزوجته جاء فيها «يا أحلام حقك عليا، أنا أسف وغلطان في حقك، أول مرة أعمل فيديو وأطلع اتكلم فيه، حصل بيني وبين أحلام شد في العمرة، خلاف وشديتها وزقيتها وده مكنش لازم يحصل خالص، لما رجعنا من العمرة صالحتها وكنا كويسين، وبعدين حصل خلاف تاني، وزعلت مني وافتكرت كل اللي كنت بعمله».
وأضاف الزوج أحمد العجمي، خلال بث مباشر، عبر حسابه على «إنستجرام»: «أتمنى متزعلش مني والدنيا تروق وتدعولنا بأن ربنا يصلح الحال إن شاء الله، هي سنة أولى جواز فيها شد وكل حاجة، ولسه في طباع وعيلتين بيتعرفوا على بعض، وبنطبع على طباع بعض وربنا ييسر الدنيا، هنروح لحد متخصص وأعرف أزاي نتعامل مع بعض ونتفاهم سوا، كل اللى محتاجة منكم تدعولنا ربنا يهدينا، الكلمة الكويسة بتفرق».
