بالفيديو.. تفاصيل خناقة حسن شاكوش ورضا البحراوي على المسرح

وثق الصحفي هاني عزب، عبر حسابه الشخصي على موقع التواصل الاجتماعي "فيسبوك" من خلال مقطع فيديو، مشادة بين مطرب المهرجانات حسن شاكوش والمطرب الشعبي رضا البحراوي في الساحل الشمالي.

ونشر "عزب" مقطع الفيديو وكشف تفاصيل الواقع قائلاً: "انفراد كواليس خناقة وحرب الشوارع بين حسن شاكوش ورضا البحراوي.. البداية كانت مع شاكوش اللي لما طلع على المسرح كانت فرقة رضا موجودة على المسرح.. شاكوش قرر إنه مش هيكمل فقرته إلا لما فرقة البحراوي تنزل من على المسرح، لأن كده كده بيغني "بلاي باك" وبالفعل طلبه اتنفذ وسط استياء من أعضاء الفرقة".

وأضاف "قبل ما حسن شاكوش ينزل ويخلص فقرته قررت فرقة رضا البحراوي تطلع على المسرح مرة تانية وده خلى فيه غضب كبير عند شاكوش اللي وهو نازل من على المسرح وجه ليهم إشارات خارجة وبذيئة ومن هنا كان الرد بينه وبين فرقة رضا البحراوي وتبادلوا توجيه السباب.. وحاول هنا (الفنان) حمو بيكا التدخل في الموضوع وإنهاء الأمر قبل أن تحدث كارثة حقيقة وخناقة شوارع في الساحل الشمالي".

واختتم هاني عزب قائلاً: "وصل رضا البحراوي الحفلة وعرف اللي حصل وأول حاجة عملها وجه التحية لفرقته الموسيقية وبدأ يغني وبعدها وقف الغناء وفضل ينادي على شاكوش، وقال: شاكوش فين.. مشي.. كنت عايزة والله.. بس للأسف خد بعضه وجري..عايزة يدعي لحمو بيكا".