بالصور.. تحذير هام وخطير لسيدات وفتيات الشيخ زايد

حذرت إحدى سكان مدينة الشيخ زايد، من وقوع الفتيات في فخ النصب أو الاستدراج على "فيسبوك"، بعد أن نشرت فتاة من أكونت وهمي حاجتها لملابس للذهاب بها للجامعة.

ونشرت السيدة تحذير على جروب "فين آلاقي في زايد" على "فيسبوك" قائلة:"صاحبة البوست ده كتبت بوست تطلب فيه هدوم تروح بيها الجامعة وأنا رديت عليها ان ده اكونت وهمي وإنها كذابة ونصابة أو كداب عملت لي حظر ياريت تاخدوا بالكوا من نوعيه البوستات دي الشيخ زايد اتملت شحاتين ونصابين سواء في الشوارع او على جروبات الشيخ زايد للأسف.

وتابعت قائلة:" إضافة أخيرة للأسف الشديد الموضوع ممكن يكون استدراج للخطف أو السرقة أو الاغتصاب وفي نماذج كتير حصلت للاستدراج عن طريق النت  وكل اللي هاجم البوست أما مش فاهم القصد منه او مش متابع المصايب اللي بتحصل في الشيخ زايد، أو غير مدرك لخطورة الموقف والحقيقة ان طالبة في الجامعة يتعارض تماما مع ثقافة التسول على النت وكان الاولي لها تشتغل الشغل مش عيب طلاب جامعيين كتير بيشتغلوا  اللهم بلغت اللهم فاشهد".

وفي إضافة للسيدة التي حظرت قالت:" في واحدة في الجروب تواصلت معاها وطلبت منها تحدد تقابلها إزاى ورفضت تديها رقم الموبايل وقالت لها انها هاتحدد المعاد والمكان علي الماسنجر وإنها ماعندهاش تليفون وان الاكونت دة بتاع صاحبتها، الموضوع ممكن يكون أكبر من نصب، ممكن يكون استدراج احنا مش بنمنع خير احنا بنمنع كوارث.