الورقي
قصيدة" راحت" ل محمد صلاح تقلب الفيس بوك
قصيدة " راحت " للفنان المسرحى محمد صلاح تحقق نجاحا كبيرا
تداول النشطاء على مواقع التواصل الاجتماعي الفيس بوك، قصيدة "راحت " للشاعر والفنان المسرحي محمد صلاح، التى نالت اعجاب العديد من القراء اللذين تداولو القصيدة
فلقد نجح الفنان محمد صلاح فى جذب مئات الآلاف من عشاق الشعر العربى عن طريق قصيدته القوية والمؤثرة " راحت "
ورغم أن صلاح فنان مسرحى وشارك فى العديد من الأعمال الدرامية ، إلا أنه يملك موهبة تأليف وألقاء الشعر
وخلال السطور التالية نعرض كلمات قصيدة " راحت "
راحت و سابتني لوحدي .. من غير سابق إنذار
و في يوم و ليله لقيتني .. وحيد في وسط الدار
كانت بايعه الدنيا عشاني .. كان حبها اجمل إجبار
دلوقتي بقيت وحيد و مش بأيدي الاختيار
القرار مكانش ليها و لا كان ليا الأختيار
نظره عينيها قالت لي مش بأيدي اني أختار
صدقني غصب عني و عارفه انك ممكن تنهار
الفراق مكتوب علينا أصل الزمان دوار
بكره مسيرك تكبر و تلاقي نفسك أب
تشيل المسئوليه و تعرف يعني ايه تعب
تفهم يعني أيه ضنا يعني حته مني أنا
و أوعي تنسي نصيحتي ليك مهما عدي 100 سنه
نظرتها كانت بالدنيا ضحكتها كانت جنه
لمست أيديها لخدي كانت بتهون ياما عليا
رضاها دايما عني دا كان مفروض عليا و سنه
حضنها كان دايما دافي ما كانت هي كل الي ليا
كلمت حبيبه عليكي معتقدش دا وصف كافي
دا عمري ما أنسي يومها و انا شايلك فوق كتافي
قلبي اتقبض فجاه اتنفض استني لحظه و ودعيني
يعني بجد خلاص يا أمي مش هسمعك ولا تسمعيني
نزلت دموعي مني و انا في لحظه اندهاش
البقاء لله عمال اسمعها يا ريت ماسمعتهاش
حاسس احساس غريب مخطرش يوم علي بال مخلوق
عقلي عمال يستوعب يمكن حلم يارب أفوق
ساعات عماله تجري فجاه زادت الايام
صورتك ماغبتش عني كمان بتجيلي في الاحلام
لما بصحي مش بلاقيكي اوقات بنسي كمان بناديكي
صدقيني لآخر عمري هفضل فاكرك مش ناسيكي
الموضوع اه صعب جدا عقلي رافض الاستيعاب
بس ربك واقف جنبي مهون بعدك و الغياب
في كل يوم بدعيله انك تكوني في جنته
يهون تعبك في الدنيا و يعوضك برحمته
حيطان البيت و كل مطارحه ليكي اشتاقت
الكون مبقاش ليه لون فجأه لونه أصبح باهت
لما حد بيواسيني برد أقول والله ارتاحت
هي أكيد في حته أحسن أمي للي خالقها راحت
