الورقي
فيديو| «داخلين فيا شمال اتخضيت».. أول تعليق من ريهام سعيد بعد أزمة صيد وتعذيب الحيوانات
ردت
المذيعة ريهام سعيد على الجدل المثار والهجوم ضدها بعد عرض حلقة أمس من برنامجها «صبايا
الخير»، والذي عرضت خلاله رحلة صيد لحيوانات البرية؛ لتصديرها للخارج.
وأثارت دموع وأنين ثعلب تم اصطياده
وتقييده، غضب رواد السوشيال ميديا، ودشنوا هاشتاج "وقف_ريهام_سعيد"
للمطالبة بوقف برنامجها وعدم ظهورها في الإعلام مرة أخرى.
وخرجت ريهام سعيد في
"لايف" عبر حسابها الرسمي على موقع التواصل الاجتماعي «فيسبوك»، ترد فيه
على منتقديها: "الناس داخلة
فيا شمال قوي، وأنا اتخضيت الصبح، وما كنتش متوقعة خالص كدة، ومبدئيًا أولًا أنا اضايقت
جدًا، ومش مبسوطة إن أي حد يضايق من حاجة في البرنامج، وأنا كنت حريصة المرة دي".
وأضافت:
"عشان كدا أنا طلعت كل الصور اللي عندي، والكل هاجم ومحدش شاف الحلقة، وأنا قلت
إني طول حياتي متربية في بيت كله حيوانات، وكان عندي قنفد وسنجاب، وثعابين، وطلعت كل
الصور اللي ابني فيها ماسك القرد والشمبانزي وكل الحيوانات، وبيناموا جنبنا في السرير
وبتاع، ففكرة إني واحدة معندهاش رحمة مع الحيوان؛ دي حاجة أي حد قريب مني عارف إن ده
مش حقيقة، وأحب أعتذر لو في حاجة ضايقتكم".
وفي سياق متصل،
أعلنت شبكة قنوات النهار اعتذارها للمشاهدين عن حلقة أمس من برنامج "صبايا الخير"،
وأكدت أن الحلقة تم رفعها من جميع المنصات التابعة للشبكة بما فيها "يوتيوب"
و"السوشيال ميديا".
وأشارت إلى
أنها تأخذ بعين الاعتبار وتدعم حقوق الحيوانات، لما لها من قيمة متأصلة في الحياة،
أبرزها العيش دون قسوة ومعاناة، وحرصها كذلك على الدعوة لاتخاذ أي تدابير احترازية
مرتبطة بحقوق الحيوانات، بهدف حمايتها وعدم ترويعها.
