الورقي
مي فخري تكشف تفاصيل جديدة عن اعتزالها الفن وارتداء الحجاب
بعد أيام قليلة من إعلان الفنانة مي فخري عن اعتزالها للفن، كشفت تفاصيل جديدة عن سبب اتخاذها هذا القرار وارتداء الحجاب، وذلك عبر مقطع فيديو على حسابها على موقع الصور الشهير "انستجرام".
وقالت "مي"، في الفيديو: "بعيدًا عن الناحية الدينية تماما ومش هندخل فيها وأنا هتكلم بشكل منطقى الحمد لله ربنا أتم خلقى كاملة ومعنديش مشكلة وأدانى نعم كتير مش عارفة أقول إيه ولا إيه وهو أدانى أنا النعم مش عشان الناس تتبسط بيها وهى نعم حبيت أحافظ عليها ودلوقتى أنا فى حال أفضل بكثير وأشعر بالراحة".
وأوضحت: "أنا دلوقتى عندى إحساس إنى أحسن، ومش متقيدة خالص أو أن شكلى مش حلو.. بالعكس مبسوطة أكتر من الأول بكتير وبلبس كل اللي أنا عاوزه بشكل محتشم ويليق مع الحجاب".
وأضافت "نفسيًا بقيت أحسن بخرج في الشارع أحسن ومفيش حد بيبص عليا النظرة اللي كل البنات عارفاها ويبقى نفسها الأرض تتشق وتبلعك.. الحمد لله مبقاش يحصل ومش بأخذ ذنب ناس مش قادرة تبص في الأرض أو مش قادرة تغض بصرها.. مبقاش يتبص عليا ومبقتش أتضايق لما أخرج كل حاجة بقت أحسن.. ربنا اداني نعم وأنا بحافظ عليها".
يذكر أن مي فخري بدأت تظهر منذ شهر سبتمبر الماضي، وهي تضع غطاء على رأسها، في فيديوهاتها، حتى فاجأت الجميع بارتدائها للحجاب.
مي فخري ممثلة وعارضة أزياء، شاركت في عدة مسلسلات وأفلام، منها "عمر وسلمى 3"، ومسلسل "بيت السلايف، ونصيبي وقسمتك، وهبة رجل الغراب، وأفراح إبليس 2".
